«پاله» دره‌سی طبیعی شرشره‌لری و بولاق‌لری بیلن ایچکی سیاح‌لر نینگ دم‌آلیش مکانی گه اوزگرگن. سرپل ولایتی گوسفندی تومنیده جایلشگن پاله دره‌سی، هر کونی یوزلب کیشی نینگ میزبانی دیر.
سیاحتچیلردن بیرقطاری مذکور طبیعی دره نینگ آب‌وهواسی و طبیعی جاذبه‌لرینی مقتسه‌لرده؛ بیراق سرپرست حکومت تامانیدن بو ییرده قولی‌لیک یره‌تیلیشینی سوره‌یدیلر.
سرپل معلومات و مدنیت ریاستی مسئوللری، «پاله» دره‌سیده‌گی قیینچیلیک‌لر نی قبول قیلیب و یقینده موجود قیینچیلیک‌لر حل ایتیلیشیدن ایشانچ بیره‌دیلر.
بیزلرنینگ فیسبوک صحیفه‌میزگه باش اورینگ!
سرپل ولایتی گوسفندی تومنی «پاله» دره‌سی گه دم‌آلیش اوچون بارگن ایچکی سیاحتچیلردن بیرقطاری نینگ ایتیشلریچه، اوشبو دره نینگ جاذبه‌لری نیچه مرته کوریش گه سزاوار دیر.
سیاحتچیلر، یول بوزوق‌لیگی، امکانیت و زمانه‌وی رستورانت‌لر یوق‌لیگینی مذکور دره ده‌گی قیینچیلیک‌لردن عنوان قیلیب و اسلام امیرلیگی سرپرست حکومتی دن بوتوغریده دقت قیلیشینی طلب قیله‌دیلر.
دم‌آلیش و سیاحت اوچون «پاله» دره‌سی گه کیلگن بلخ یشاوچیسی نوید نینگ سلام‌وطندار گه ایتیشیچه: «تینچلیک بولسه، مملکت ده کوپ سانده طبیعی جاذبه‌لر بار. اوتگن کونی فاریاب ده ایدیک و بوگون پاله دره‌سیگه کیلدیک، حقیقتن سیاحت یاقدی. یالغیز یول بوزوق و امکانیت یوق؛ لیکن پاله دره‌سی نینگ طبیعی شرشره‌لری و طبیعی بولاق‌لری فارملی و گوزه‌ل دیر.»
دم آلیش و سیاحت اوچون «پاله» دره‌سی گه تشریف بویرگن ننگرهارلیک احمدجاوید گه کوره: «باشقه هیچ قیینچیلیک یوق، پاله دره‌سی سرکی اسفالت بولیب، رستورانت و کلینیک قوریلیشی کیره‌ک. دوست‌لر بیلن سیاحت و دم‌آلیش اوچون بو ییر گه کیلدیک، آب‌وهواسی یخشی، حقیقتن مملکت نینگ هر مکانی سیوملی دیر.»
بیزلرنینگ توییترده هم تعقیب قیلینگ!
سیاحتچیلر نینگ ایشانچی گه کوره، دم‌آلیش مکان‌لر و باستانی ساحه‌لرده امکانیت و قولی‌لیک یره‌تیلگن تقدیرده، مملکت آبادانچیلیگی و دولت اوچون یخشی درآمدی بولیشی ممکن.
سرپل معلومات و مدنیت ریاستی مسئوللری، «پاله» دره‌سیده‌گی قیینچیلیک و یولی بوزوق‌لیگینی قبول قیلسه‌لرده؛ بیراق سیاحتچیلر گه قولی‌لیک یره‌تیش مقصدیده سعی‌وحرکت قیله‌یاتگنلریدن ایشانچ بیره‌دیلر.
سرپل معلومات و مدنیت باشلیغی فخرالدین عمیر سرپلی نینگ ایتیشیچه، هر کونی یوزلب سیاحتچی نینگ میزبانی بولگن دم‌آلیش و باستانی مکان‌لرده قولی‌لیک یره‌تیش اوچون تلاش قیلماقده‌لر.
او نینگ کوپه‌یتیریشیچه: «بیز دم‌آلیش و باستانی مکان‌لر نینگ سرک‌لری بوزوق‌لیگی و او ییرده‌گی قیینچیلیکنی قبول قیله‌میز، سرپل محلی مسئوللری و معلومات و مدنیت وزیرلیگی نینگ یاردمی بیلن اوشبو قیینچیلیک‌لرنی حل قیلیش اوچون سعی‌وحرکت قیلماقده‌میز.»
سرپل محلی مسئوللری نینگ معلوماتی اساسیده، مذکور ولایت نینگ اونلب طبیعی جاذبه‌لری بولیب و هر کونی مینگلب کیشی دم‌آلیش و سیاحت اوچون اوشبو ولایت گه سفر قیله‌دیلر.