خلق‌ارا سرطان کونی بیلن بیرگه، افغانستان ده سرطان نی تشخیص و دوالش یالغیز مرکزی مسئوللری، سرطان کسلی گه چلینگنلر سانی کوپه‌یشی بیلن متخصص کدرلر، اَیری کلینیک، دارو، ساغلیق جهازلر و یاتاق کم‌لیگی یا-ده یوقلیگی و مالی قیین‌چیلیکلردن شکایت قیله‌دیلر.
سرطان کسلی نینگ آلدینی آلیش ملی دستوری آمری محمد‌الله رسولی منگل، بوگون کابل ده یولگه قوییلگن خبری بیر ییغین‌ده ایتیشیچه، سونگی ایکی ییل‌ده، اوشبو آمریت‌ده قریب ۳۲ مینگ سرطان کسل‌لیگی‌گه چلینگن کیشی ثبت بولگن.
بیزلرنینگ فیسبوک صحیفه‌میزگه باش اورینگ!
رسولی نینگ کوپه‌یتیریشیچه، کون اوتیشی بیلن مراجعت قیلووچیلر سانی کوپه‌یب و شونینگدیک کسل‌لردن کوپینچه‌سی ولایت‌لردن تشخیص و دوالنیش اوچون بو کسل‌خانه گه مراجعت قیله‌دیلر.
عین حالده، ساغلیق‌نی سقلش وزیرلیگی نینگ خذمت کورسه‌تیش ایشلری بوییچه اورین‌باسری حبیب‌الله آخوندازه نینگ ایتیشیچه، حاضر ایسه افغانستان سرطان طفیلی کوپینچه اولیم میزانی گه گواه بولگن مملکت‌لردن دیر.
باشقه بیر تامان‌دن، سرطان کسللیگی نینگ آلدینی آلیش ملی دستوری آمریتی‌ده انکلوژی و عمومی داخله بولیمی متخصص شفاکار داوود پکتین نینگ ایتیشیچه، کونده مذکور مرکز گه ۱۰۰-۱۵۰ سرطان گه چلینگن کسل مراجعت قیله‌دی.
بیزلرنینگ «ایکس» ترماغی ده هم تعقیب قیلینگ!
پکتین ایرکک‌لرده اوپکه سرطانی و عیال‌لرده ایسه ثدیه و رحم (بچه‌دان) سرطانی نی اینگ کینگ ترقه‌لگن سرطان تورلریدن عنوان قیلگن.
شونده‌ی بیرحالده، سرطان گه چلینگنلردن قطاری منطقه‌لریده درمانی مرکزلر یوقلیگی سبب کسل‌لیک‌لری نینگ وقتی‌ده تشخیص بولمسلیگی‌دن شکایت قیله‌دیلر.
بولر گه علاوه، خلق‌ارا سرطان کونی مناسبتی بیلن خلق‌ارا ساغلیق‌نی سقلش تشکیلاتی بیر گزارش ترقه‌تیش بیلن ایتیشیچه، دنیا ده هر ۵ کیشی‌دن بیری سرطان گه چلینگن دیر. اوشبو تشکیلات گه کوره، هر ۱۲ عیال‌دن ۱ عیال و هر ۹ ایرکک‌دن بیر ایرکک بو کسل‌لیک طفیلی جان‌لری نی قولدن بیره‌دیلر.
