سمنگان ولایتی کسل‌خانه آمری سیدعثمان حمیدی نینگ سلاموطندار گه ایتیشیچه، اوتگن کونی کیچ قورون اوشبو ولایت حضرت سلطان تومنی اطرافیده یوز بیرگن ترافیکی حادثه نتیجه‌سیده، اوچ کیشی اولیب و آلتی کیشی ایسه یره‌لنگن.
جناب حمیدی نینگ کوپه‌یتیریشیچه، سمنگان-بلخ قتناو یولیده «کرولا» رسوملی موتر بیلن «اکتروس» رسوملی بیر موتر نینگ توقنشگنی نتیجه‌سیده، ایکی باله و بیر ایرکک شامل اوچ کیشی اولیب، اوچ باله و بیر عیال شامل بیر عایله‌دن آلتی کیشی یره‌لنگن.
بیزلرنینگ فیسبوک صحیفه‌میزگه باش اورینگ!
ایتیلیشچه، یره‌لنگنلردن اوچ ته‌سی نینگ وضعیتی یامان بولیب، سمنگان ولایتی کسل‌خانه‌سی نینگ جراحی بولیمی‌ده درمان آستیده قرار تاپگن.
ایتیش کېره‌ک، هیداوچیلر نینگ تیز هیده‌شی، هیداوچیلیک قاعده‌لر رعایت ایتیلمسلیگی و سرک‌لر نینگ کیچیکلیگی سبب، ولایت‌لردن کوپ قطاریده ترافیکی حادثه‌لر کوپه‌یب و انده-سنده یشاوچیلردن قربان‌لیک آله‌دی.
