جمهورلیک ریاست بیرینچی اورین باسری امرالله صالح، پارک سینماسی نینگ تخریب قیلینگنیدن کیین، «کابل ننداری» نینگ حاضرگی وضعیتی نی اوزگریشیدن خبر بیرگن.
جناب صالح بوگون (یکشنبه، ۲۵- عقرب) فیسبوک صحیفه‌سیده یازیشیچه، کابل ننداری «بیکار» دیر و اونینگ وضعیتی اوزگریشی کیره‌ک.
جناب صالح پارک سینماسی نی تخریب قیلینیشی حقیده اهالی نینگ فکرینی سوره‌مه‌گن ایدی بیراق، کابل ننداری نینگ تقدیری خصوصیده اهالی نینگ فکرینی سوره‌گن.
اونینگ اورغولشیچه، اهالی نینگ طرح، تکلیف و فکرلری اساسیده کابل ننداری نینگ حاضرگی وضعیتی اوزگریشی ممکن.
کابل ننداری مملکت نینگ اینگ بویوک نمایشی مرکزلردن بیری دیر کیم ۱۳۴۳- ییل گه قوریلدی.
مذکور بنا ایچکی اوروشلر جریانی‌ده تخریب بولگن ایدی. ۷ ییل آلدین دولت اوشبو بنانینگ قیته قوریش اوچون اقدام قیلدی، لیکن اونینگ ایشی حاضرگچه تکمیل بولمه‌گن.
کابل ننداری مسئول‌لری‌نینگ ایتیش‌لریچه، ایش ایش‌بیله‌دیگن کیشی‌لرگه تاپشیریلمه‌گن و انه شو سبب بو بنانینگ قیته قوریش ایشی یخشی شکلده آلغه بارمه‌گن.
