جمهورلیک ریاست بیرینچی اورین‌باسری امرالله صالح، افغانستان اهالیسی گه قرشی طالبان هجومی نینگ کوپه‌یش دلیلی نی سیاسی و تشقی اوزگریش‌لیکلردن مذکور گروه نینگ ناتوغری توشونچه‌سی دیدی.
بوگون (دوشنبه ۲۱- میزان) جناب صالح فیسبوک صحیفه‌سیده یازیشیچه، طالبان جمعی اراده گه توجه قیلمه‌یدی و بو گروه تینچلیک پروسه‌سی گه دقت قیلمه‌ی، هجوم‌لرینی کوپه‌یتیرگن.
جناب صالح نینگ ایتیشیچه، افغانستان نینگ ایریم بولیم‌لریده طالبان هجومی کوپه‌یگن کیم اهالی نینگ قرشی‌لیگی گه روپه‌رو بولگن. اونگه کوره: «طالبان بو زوروانلیکلردن هیچ قنده‌ی استراتیژیک و سیاسی فایده قولگه کیلتیرمه‌یدی.»
اونینگ ایتیشیچه: «طالبان گروهی نینگ قانلی هجوملری نینگ کوپه‌یش دلیلی، مذکور گروه نینگ سیاسی و تشقی اوزگریش‌لیکلردن ناتوغری توشونچه‌سی دیر.»
جناب صالح نینگ ایتیشیچه، افغانستان نینگ ایریم بولیم‌لریده طالبان هجومی کوپه‌یگن کیم اهالی نینگ قرشی‌لیگی گه روپه‌رو بولگن. اونگه کوره: «طالبان بو زوروانلیکلردن هیچ قنده‌ی استراتیژیک و سیاسی فایده قولگه کیلتیرمه‌یدی.»
او، طالبان مغلوب ایتیلیشی نی حتمی دیب ایتیشیچه: «طالبان مغلوب ایتیلیشی حتمی دیر، چونکه طالبان نینگ روش و قانون‌لری نی افغانستان اهالیسی گه تحمیل قیلیش ممکن ایمس و شونینگدیک طالبلرنینگ هم اهالی نی قیزیقتیره‌دیگن بیر برنامه‌سی یوق.»
شونینگدیک جمهورلیک ریاست بیرینچی اورین‌باسری نینگ ایتیشیچه، طالبان قوشنی مملکتلرنینگ فایده‌سی اوچون ایش قیله‌دی و اولرگه اهالی نینگ هیچ بیر اهمیتی یوق و شونینگدیک اوتمیش گه هم یوق ایکن.
صالح گه کوره، طالبلر چیگیرتک کبی هجوم قیله‌دی و چیگیرتک کبی هلاک بوله‌دی و هیچ بیر کیشی طالبان هلاک ایتیلیشی اوچون کوزیدن یاش توکمه‌یدی.
جمهورلیک ریاست بیرینچی اوری باسری بونده‌ی بیانات‌لرنی ارایه قیلگن بیرحالده، ایکی کون آلدین جمهورلیک ریاست ایکینچی اورین باسری سرور دانش نینگ ایتیشیچه، طالبان گروهی اورین‌سیز جنجللر بیلن افغانستانلیکلرارا سوزلشوولرنینگ قیینچلیک که دوچ قیلگن و قرآن و سنت نینگ جنجللر حل ایتیلیشی گه اساس صفتیده قبول قیلمه‌یدی.
دوحه ده افغانستانلیکلرارا سوزلشوولر باشنلگنیدن بیر آی اوتماقده، بیراق افغانستان دولتی و طالبان نینگ تماس گروه‌لری حاضرگچه قطار جنجللرنی حل قیله آلمه‌گن.
