افغانستان باشقه مملکتلر گه نسبتن کوپراق بیلیملی کیشیلر گه محتاج بولسه ده؛ بیراق یاشلر نینگ اوقیش ساحه‌سی بیلن کسبی اۉرته‌سیده همان تفاوت موجود؛ بو معما حاضرگه قدر کوپینچه یاشلر نینگ ایش‌سیز بولیب و اداره‌لرده ایش معیاری پسه‌یشیگه سبب بولگن.
سۉنگی ییللرده، کوپینچه یاشلر اۉز یا که عایله‌لری نینگ اېسته‌گی بیلن تحصیل بولیمینی تنلب و بو بولیملرده تحصیل قیلگنلر؛ بیراق بیلیم یورت‌لردن فارغ بولگچ بولیملری گه تېنگ ایش فرصتلری یوق‌لیگی اوچون تحصیل بولیملری گه ضد ایشلش گه مجبور بولگنلر.
تحصیل و کسب فرصتلری اۉرته‌سیده تېنگ‌سیزلیک
سلام‌وطندار مملکت نینگ تورلی ولایت‌لریدن ۱۱۲ یاش بیلن صحبت اۉتکزگن، بو صحبت اساسیده، اولر نینگ ۳۱.۲ فایزی ایش‌سیز، ۲۳.۳ فایزی تحصیل بولیملری گه ضد ایشلش و باشقه ۴۵.۵ فایزی هم تحصیل بولیملری گه تېنگ ایشلش‌لرینی اېتگنلر.
۲۶ یاشر عبدالوارث نینگ ایتیشیچه، اوچ ییل اول حقوق و سیاسی بیلیم فاکولته‌سیدن فارغ بولگن؛ بیراق حاضرگچه تحصیل بولیمیگه ایش تاپه آلمه‌گن. اونینگ کوپه‌یتیریشیچه: «بیلیم یورت دن فارغ بولگنیمدن اوچ ییل اوتماقده و حاضر بیکار من. افغانستانده‌گی احوال طفیلی اۉز مقصدیمگه ایریشگنیم یوق.»
بیزلرنینگ فیسبوک صحیفه‌میزگه باش اورینگ!
حقوق بولیمیده لسانس درجه‌سیدن سندی بولگن حسیبه گه کوره: «بو بولیمده تحصیل قیلگنیمدن جوده هم خورسند من؛ بیراق افسوس بیلن بو بولیمده ایش فرصتی یوق و حاضر ایش‌سیز من.»
اوشبو سوراو نینگ معلومات‌لری اساسیده، یاشلر نینگ تحصیلی و ایش فرصتلری اۉرته‌سیده تفاوت کوپ و کوپینچه یاشلر تحصیل بولیملری گه تېنگ ایش تاپه آلمه‌یدیلر.
۲۲ یاشر حسینه نینگ ایتیشیچه، تحصیل بولیمی گه تېنگ ایش فرصتلری یوق‌لیگی اوچون تحصیل بولیمیگه ضد ایشلش گه مجبور بولگن. اونینگ کوپه‌یتیریشیچه: «مدیر اوله‌راق بیر مکتب ده ایشله‌ی من؛ تحصیل بولیمیگه تېنگ ایش قیدیریش اوچون کوپ سعی-حرکت قیلدیم؛ تحصیل بولیمی گه تېنگ ایش تاپیش قیین دیر شونی اوچون باشقه ساحه ده ایشلش گه قرار قیلدیم.»
حقوق و سیاسی بیلیم فاکولته‌سیدن فارغ بولگن حمید گه کوره: «بو خاص بیر بولیم دیر؛ بیراق حاضر تحصیل بولیمی گه ضد ایشله‌یپمن چونکه حقوق بولیمیده ایش یوق.»
بیزلرنینگ «ایکس» ترماغی ده هم تعقیب قیلینگ!
سلام‌وطندار نینگ سوراو نتیجه‌سی اساسیده، تحصیل قیلگن یاشلر نینگ ۴۵.۵ فایزی، تحصیل بولیملری گه تېنگ ایش تاپیش گه اولگورگن.
انجینیرلیک بولیمیده لسانس درجه‌سیده فارغ بولگنلردن عمران، کوپ قیینلیک بیلن تحصیل بولیمیگه تېنگ ایش تاپگنینی اېته‌دی. اونینگ کوپه‌یتیریشیچه: «بو بولیمده تحصیل قیلگنیمدن خورسند من چونکه بو اۉز اېسته‌گن بولیم دیر و حاضر اوشبو بولیمگه تېنگ ایشله‌یپمن و اۉز ایشیمدن خورسند من.»
معالوجی طب بولیمیدن فارغ بولگن رضوان نینگ ایتیشیچه: «کوچیمگه قره‌ب شفاکارلیک بولیمینی تنله‌دیم. و حاضر اوشبو بولیمگه تېنگ ایشله‌یپمن و بو بولیمده ایشله‌یاتگنیمدن ممنون من.»
یاشلر نینگ عایله اعضالری اېسته‌گی بیلن تحصیل بولیمینی تنلشلری
بو سوراو ده، یاشلر نینگ تحصیل بولیمینی تنلش ده عایله‌لری نینگ اره‌لشوولری تېکشیریلگن. سوراو گه قتنشگن ۱۱۲ یاشدن، ۸۹.۳ فایزی تحصیل بولیملرینی اۉز اېستکلری و ۱۰.۷ فایزی هم عایله‌لری نینگ اېسته‌گی اساسیده تنله‌گنلرینی اېتگنلر.
تحصیل بولیمینی اۉز اېسته‌گی بیلن تنله‌گنلردن فریده گه کوره، تحصیل بولیمینی اۉزی تنلشی اوچون درس‌لرینی علاقه‌مندلیک بیلن اېزله‌شیگه سبب بولگن. اونینگ کوپه‌یتیریشیچه: «تحصیل بولیمینی اۉزیم تنله‌دیم و انچه دن بویان بو بولیمگه قیزیقردیم؛ اۉز اېسته‌گیم بولیمده تحصیل قیلگنیمدن جوده هم خورسند من.»
شونینگدیک ادریس نینگ ایتیشیچه: «تحصیل بولیمینی تنلش ده ایرکین اېدیم؛ چونکه بولیمده جوده هم قیزیقر اېدیم و ایش فرصتی هم کوپ دیر. بو بولیمده درس اوقیب و فارغ بولگنیمدن خورسند من.»
باله‌لری نینگ تحصیل بولیمنی تنلش ده مستقیم رولی بولگن عایله‌لر هم بار.
انجنیرلیک بولیمیده تحصیل قیلگن سمیر، عایله‌سی نینگ اېسته‌گی بیلن بو بولیمنی تنله‌گنینی اېته‌دی. اونگه کوره: «اۉزیم تحصیل بولیمینی تنله‌شیم کېره‌ک اېدی؛ لېکن عایله اعضالریم نینگ کوپینچه‌سی انجنیر بولگنی اوچون مین هم بو بولیمنی تنله‌دیم.»
رضوان نینگ هم ایتیشیچه: «کوپراق آته‌م نینگ اېسته‌گی بیلن تحصیل بولیمینی تنله‌دیم؛ اۉزیم اقتصاد اوقیشگه قیزیقر اېدیم؛ بیراق آته‌م خلق‌ارا مناسبت‌لر بولیمینی اوقیشیمنی اېسته‌دی.»
آلتی ییل اول قابله‌لیک بولیمیدن فارغ بولگن شایسته نینگ ایتیشیچه، عایله‌سی نینگ اېسته‌گی بیلن بو بولیمنی تنله‌گن. اونینگ کوپه‌یتیریشیچه: «آته‌م نینگ اېسته‌گی بیلن بو بولیمنی تنله‌دیم. بو عایله‌م قراری اېدی و اۉزیم بولیمگه قرشی اېدیم، شونی اوچون بولیمدن اونچه‌لیک راضی اېمس من.»
برچه‌سی بیلن، جمعیت‌شناس‌لردن بیرقطاری نینگ ایتیشلریچه، علاقه و کوچ‌لری گه قره‌ب تحصیل بولیمینی تنله‌یدیگن یاشلر، اجتماعی فعالیت‌لرده کوپراق موفق دیر.
جمعیت‌شناس امید افغان نینگ ایتیشیچه: «یاشلر کوچ و علاقه‌لری گه قره‌ب تحصیل بولیمینی تنلسه، تحصیل اوچون کوپراق علاقه تاپیشه‌دی و اجتماعی فعالیت‌لرده موفق بوله‌دیلر.»
روان‌شناس محمدالله گه کوره، یاشلر نینگ تحصیل بولیمی عایله‌لری تامانیدن تنلنسه، اولر نینگ اوقیش گه نسبتن علاقه‌سی کمه‌یشی گه سبب بوله‌دی. اونینگ کوپه‌یتیریشیچه: «کیشی عمر بات استرس نی تجربه قیله‌دی. ایشلش علاقه‌سی کم بوله‌دی. عایله نینگ اېسته‌گی بیلن تحصیل قیلسم کېله‌جک ده ایش‌سیز قالیشیم ممکن.»
عین‌حالده، ایش و اجتماعی ایشلر وزیرلیگی سۉزلاوچیسی سمیع‌الله ابراهیمی، افغانستانده ایش‌سیزلر سانی کوپ‌لیگی خصوصیده ایتیشیچه، یاشلر نینگ تحصیل بولیملری گه تېنگ ایش فرصتلری یره‌تیلیشی اوچون سعی-حرکت قیلماقده‌لر. اونگه کوره: «اسلام امیرلیگی یاشلر نینگ تحصیل بولیمی گه تېنگ ایش فرصتلرینی یره‌تیش گه سعی-حرکت قیلماقده. اسلام امیرلیگی یاشلر نینگ مهارت و مسلک‌لری گه کوپراق اعتبار بیره‌دی.»
ایش بیلرمان‌لر نینگ ایشانچی گه کوره، افغانستانده تحصیل بولیمی و بازار نیازلری گه ضد کوپینچه یاشلر نینگ ایشلشی، بو مملکتده ایش‌سیزلر سانی کوپ بولیب و بیرقطار یاشلر نینگ ایش گه علاقه‌سی کمه‌یشی و روحی باسیم آستیده قرار تاپیش‌لری گه سبب بوله‌دی.
