سلام افغانستان ییتکرمه موسسهسی (سلاموطندار رادیوسی) بوگون (۱۰-جدی/۳۱-دسمبر، چهارشنبه) کابلده اوتکزگن ییغیلیشده کابل شهری یشاوچیلرینینگ ایچیملیک سوودن فایدهلنیش گه دایر سوراو نتیجهسینی شریک قیلدی.
سلاموطندار رادیو مسئوللرینینگ ایتیشیچه، اوشبو سوراو کابل شهری یشاوچیلرینینگ دایمی ایچیمیلیک سوودن فایدهلنیش رقمی، سوو خرهجتی و قندهی تأمینلشلری و سوو تنقیصلیگینینگ یشاوچیلر حیاتیگه سلبی تأثیرینی انیقلش اوچون، کابل مقیاسیده بیر مینگ ۸۰۰ کیشی بیلن صحبت اوتکزیلگن.
اوشبو ییغیلیشده، سلاموطندار رادیوسی اورین باسری نورمحمد هاشمی گه کوره، بو ییتکرمه سوو تنقیصلیگی حقیده ایجابی آدیملر کوتریلیشی مقصدیده خبردارلیک مسئولیتینی بجریش اوچون سعی-حرکت قیلگن.
او شوندهی دییدی: «بوگونگی ییغیلیش خبردارلیکنی آشیریش، سوو تنقیصلیگی حقیده ایجابی ریجهلر توزیش اوچون دیر و هیچ کیم یالغیزلیکده بو قیینچیلیکنی حل قیله آلمهیدی؛ بیز اهالینینگ آوازینی عکس ایتتیریش اوچون میدانی سوراو اوتکزدیک بو سوراو نهفقط معلومات ییغیش بلکی کابل یشاوچیلرینینگ یشش محیط تجربهلرینی انیقلش دیر.»
کابل شهریده سوو تنقیصلیگی اینیقسه ایچیملیک سوو انقراضی گه دایر سلاموطندارنینگ سوراو نتیجهسی شونی کورستهدی – کابل شهری خواطرلی شکلده سوو تنقیصلیگی بیلن دوچ دیر.
اوشبو سوراو کابل شهری ۲۰ ناحیهسیده ایکی آی دوامیده اوتکزیلگن، اشتراک ایتگنلرنینگ ۹۲ فایزدن آرتیغی سونگی بیش ییل ایچیده سوو مقداری سیزیلرلی درجهده کمهیگنینی بیلدیریب و یشهیدیگن حدودلریده سوو مقداری ۴۰ فایز کمهیگنی حقیده آگاهلنتیریشگن.
سلاموطندار مخبری نصیر کشاورز، اوشبو مناسبت بیلن کابلده اوتکزیلگن ییغیلیشده، سوو تنقیصلیگی فقط یشش محیط انقراضی ایمس، بلکی اهالی حیاتینی قیینچیلیک بیلن دوچ قیلهیاتگن باسیم دیگن. اونگه کوره: «بو سوراو سونگی ایکی آی دوامیده کابل شهری ۲۰ ناحیهسیده عملگه آشیریلگن اونده ۱۸۰۰ کیشی اشتراک ایتگن و نامستقیم طرزده ۱۵ مینگ کیشینی قاپلهیدی . عایلهلر کوپلیگی، سواد پسلیگی و سوو منبعلری باشقریلمسلیگی اساسی معمالردن بولگن اونی یانیده سوو تنقیصلیگی فقط یشش محیط انقراضی ایمس بلکی اهالی حیاتیگه سلبی تأثیر قویگن باسیم دیر.»
اوشبو سوراوده اشتراک ایتگنلرنینگ اکثریتی، دولتدن سوو منبعلرینی باشقریش بارهسیده جدی دقت قیلیشنی سورهگنلر.
شو بیلن بیرگه، سوو و برق وزیرلیگی مسئوللرینینگ ایتیشیچه، سوو منبعلرینی باشقریش و نظارت قیلیش اوچون، ایریم ریجهلری بار، بیراق بو معما اهالی و دولتنینگ قوشمه وظیفهسی دیر.
سوو و برق وزیرلیگینینگ ییر آستی سوولری بوییچه مسئولی عزیزالرحمان عزیز شوندهی دییدی: «بیز مملکتده سوو منبعلرینی باشقریش و نظارت قیلیش اوچون کوپینچه ایشلرنی قیلگنمیز؛ اوچ مینگ تقویتی قودوق قزیلگن و بو سوولر افلاسلنمسلیگی اوچون چاره کورگنمیز؛ باشقه تاماندن کابل شهریگه سوونی انتقال بیریش ایشلری تیزلیکده باشلنهدی.»
بو ییغیلیشده، مدنیت و اخبارات وزیرلیگینینگ نشرات معینی حیاتالله مهاجر فراهی، سلاموطندارنینگ سوو تنقیصلیگینی انیقلش اوچون اوتکزگن سوراوینی خوش قرشیلب و باشقه ییتکرمهلردن هم بو حقده یشاوچیلرنی خبردار قیلیش اوچون مسئولیتلرینی ادا ایتیشنی سورهگن. «باشقه ییتکرمهلر هم سوو منبعلرینی باشقریش و اهالی خبردارلیگینی آشیریش بولیمیده مسئولیتلرینی ادا ایتسینلر و بدیل یولَکلر ساحهسیده آدملر بیلن همکارلیک قیلیب و معلومات بیرسینلر.»
سلاموطندارنینگ سوو تنقیصلیگی حقیده اوتکزگن سوراوی ایریم قیینچیلیکلر بیلن دوچ بولگن، جملهدن یشاوچیلرنینگ سوادی پسلیگی یا کی سوادسیزلیگی، کتته معمالردن بولگن.
سلاموطندار رادیوسی، کابل شهریده سوو تنقیصلیگی حقیده سوراو نتیجهلریدن سونگ، حکومتدن دولت سوو ییتکزیش ترماقلری کوپهیتیریلیشی، درآمدی آز بولگن عایلهلر قوللب-قوتلنیشی، سوو ییتکزیش شرکتلر گه بولگن نظارت آشیریلیشی و ییر سوولری منبعلرینی باشقریش اوچون اوزاق مدتلی سرمایه کیریتیلیشینی ایستهگن.
کابل شهری، افغانستاننینگ اینگ گوجوم شهرلریدن حسابلنهدی، بو شهر بیر دههدن کوپراقدن بیری سوو انقراضی بیلن دوچ و اونینگ آلدینی آلیش اوچون تیزلیک بیلن اقدام بولیشی کیرهک.
