هرات زعفرانچی‌لریدن قطاری ایران زعفرانی مملکتده قاچاقی وارد ایتیلیشی و او افغانستان آتیده دنیا بازارلریده صادر ایتیلیشی دن تنقید قیلیب ایتیش‌لریچه، ایران زعفرانی نینگ وارداتی افغانستان زعفرانی بهاسی قویی کیلیشی گه سبب بولگن.
حاضر هرات بازارلریده بیر کیلوگرام زعفران ۳۰ الی ۴۰ مینگ افغانی ساتیله‌دی. بیراق مذکور زعفرانچی‌لرگه کوره، اوتگن ییل‌لرده بیر کیلوگرام زعفران ۷۰ الی ۱۰۰ مینگ افغانی ساتیله‌دی ایکن.
غلام سرور هرات زعفرانچی‌لریدن بیری دیر کیم هر ییل یوزلرچه کیلوگرام زعفران ایشلب چیقاره‌دی. اونگه کوره، زعفران بهاسی قویی کیلگنی و ایران زعفرانی افغانستان ده قاچاق ایتیلیشی اوتگن اوچ ییل گه نسبتن زعفران بهاسی ۵۰ فایز قویی کیلیشی گه سبب بولگن.
افغانستان زعفرانچی‌لری بیرلشمه‌سینی تیکشیرووچی اعضاسی کمال‌الدین علی‌زایی، ایران زعفرانی افغانستان آتیده صادر ایتیلیشی دن تنقید قیلیب ایتیشیچه، دولت قوشنی مملکتلردن زعفران نی افغانستان گه قاچاق قیله‌دیگن کیشیلر بیلن جدی توقنه‌شیشی کیره‌ک. اونینگ کوپه‌یتیریشیچه، حاضر افغانستان زعفران نینگ پیازی دن هم خودکفالیککه ییتیشگن و قوشنی مملکتلردن زعفران پیازی وارد ایتیلیشی گه هم کیره‌ک یوق.
عین حالده، هرات حاکمی سیدعبدالوحید قتالی، خصوصی بولیم نی ایران زعفرانی نینگ قاچاقی وارداتی گه مسئول دیب آگاه‌لنتیریشیچه، قوشنی مملکتلردن زعفران وارد قیله‌دیگن کیشیلر بیلن جدی یول باریلیشی ممکن.
ایکینچلیک وزیرلیگی مسئوللری نینگ ایتیش‌لریچه، مذکور وزیرلیک نینگ افغانستان زعفرانی آتی اوغیرلهنیشی و زعفران صادراتی معیاری بولیشی اوچون سعی و حرکت‌لرینی دوامی بار.
شونده‌ی بیرحالده، قویاش ۱۳۹۹- ییل ده افغانستان زعفرانی دنیا سطحی گه بیرینچی اورین نی قولگه کیلتیرگن ایدی.