اسلام امیرلیگی مدافعه وزیرلیگی نینگ لوژستیک باشلیغی عبدالبصیر صابری، اسلام امیرلیگی روسیه دن هوا اوسکونه‌لرینی ساتیب آلیشینی معلوم قیلگن.
بیزلرنینگ فیسبوک صحیفه‌میزگه باش اورینگ!
عبدالبصیر صابری، ۸-سنبله، پنج‌شنبه کونی، روسیه تاس آژانسی بیلن اۉتکزگن صحبتیده، اسلام امیرلیگی هوا کوچلرینی قۉللب-قوتلش و کوچلنتیریش مقصدیده، روسیه دن هوا اوسکونه‌لرینی ساتیب آلیش اوچون سعی-حرکت قیلماقده‌لیگینی بیلدیرگن.
اسلام امیرلیگی مدافعه وزیرلیگی نینگ لوژستیک باشلیغی، مملکت بویلب خوفسیزلیک تأمین اېتیلیشیدن ایشانچ بیلدیریب و چېگره‌لرنی امریکا نینگ قورال-اوسکونه‌لریدن قوللنیب قوریق‌لماقده‌لیکلرینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
اسلام امیرلیگی نینگ هېچ کیم بیلن قیینچیلیگی یوق، خلق‌ارا مقیاسیده برچه مملکت‌لر بیلن مناسبت قوریش گه تیار دیر و یخشی نیت بیلن افغانستان گه کېلگنلر بیلن موراسه قیلیش‌لرینی اېته‌دی، ملی مدافعه وزیرلیگی نینگ لوژستیک باشلیغی عبدالبصیر صابری.
روسیه حاضرگه قدر اسلام امیرلیگینی رسمی طرزده تن آلگن بولمسه ده، بیراق اسلام امیرلیگی بیلن تورلی ساحه‌لرده همکارلیک قیلیب کېله‌یاتگن مملکت‌لردن سنله‌دی.
