امریکا و اوکراین عملدارلری اورتهسیدهگی اوچ کونلیک تینچلیک مذاکرهلری نتیجهسیز یکونلنگچ؛ روسیه ۷۰۰ دن آرتیق اوچوچیسیز اوچاق و راکته بیلن اوکرایننینگ تورلی شهرلری و آست قورمهلرینی نشانگه آلدی و اونینگ نتیجهسیده چمهسی ۸ کیشی یرهلندی.
خلقارا یېتکرمهلر، بوگون (۱۶-قوس/۷-دیسمبر، یکشنبه) ترقهتگن گزارشلریده، روسیه ۶۵۳ اوچوچیسیز اوچاق و ۵۱ راکته بیلن، اوکرایننینگ برق و حیاتی آست قورمهلرینی نشانگه آلگنیدن خبر بیردیلر.
اوکراین جمهور باشلیغی ولودیمیز زلنسکی اشتراکی بیلن بو مملکت همده امریکا مخصوص وکیللرینینگ تینچلیک مذاکرهلری نتیجهسیز یکونلنگچ، بو هجوملر اویوشتیریلگن.
اوروش میدانیده روسیه غالب و استه-سیکین شهرلر کنترولینی قولگه آلماقده. روسیه حربی کوچلری دونتسکده پوکروفسک استراتیژیک شهریگه یقینلشیب و میرنوهراد نی محاصره قیلیش عرفهسیده دیر. مسکوفقط نومبر آییده قریب ۵۰۵ کیلومتر مربع اوکراین حدودینی باسیب آلگن و لوهانسک و خرسون گه قدر ساحلی کېنگ منطقهلرنی نظارتی گه اۉتکزیش گه اولگورگن.
