روسیه نینگ کابلده‌گی ایلچیسی دیمیتری ژیرنوف، افغانستان سرپرست حکومتی بیلن مناسبت قوریش مملکتی اوچون مهم‌لیگینی اېتگن.
تشقی ایشلر وزیرلیگی سۉزلاوچیسی نینگ اورین باسری ضیااحمد تکل، ۲۸-سنبله، چهارشنبه کونی ایکس صحیفه‌سیده بیر بیانیه ترقه‌تیب یازیشیچه، ژیرنوف بو موضوع نی اوشبو وزیرلیک سرپرستی امیرخان متقی بیلن اوچره‌شووده بیان قیلیب، روسیه اسلام امیرلیگی وکیلینی مذکور مملکت میزبان‌لیگی بیلن بولیب اوته‌دیگن منطقه و خلق‌ارا ییغیلیش‌لرده اشتراک اېتیش گه تکلیف قیلیشینی اېتگن.
بیزلرنینگ فیسبوک صحیفه‌میزگه باش اورینگ!
بیانیه ده کېلیشیچه، روسیه نینگ کابلده‌گی ایلچیسی تشقی ایشلر وزیرلیگی سرپرستی امیرخان متقی دن فرمت مسکو کېله‌سی ییغیلیشی ده اشتراک اېتیش گه تکلیف قیلگن.
اوشبو اوچره‌شووده، اسلام امیرلیگی تشقی ایشلر وزیرلیگی سرپرستی امیرخان متقی، اسلام امیرلیگی فرمت مسکو ییغیلیشینی مثبت بهاله‌شینی معلوم قیلگن.
تشقی ایشلر وزیرلیگی سرپرستی نینگ کوپه‌یتیریشیچه، فرمت مسکو کېله‌سی ییغیلیشی روسیه و منطقه مملکت‌لر وکیللری بیلن ایکّی تامانلمه مذاکره‌لر گه زمینه یره‌ته‌دی.
بیزلرنینگ «ایکس» ترماغی ده هم تعقیب قیلینگ!
فرمت مسکو آلتینچی ییغیلیشی قچان بولیب اوتیشی حقیده حاضرگچه ایضاح کېریتیلمه‌گن.
فرمت مسکو بیشینچی ییغیلیشی ۱۴۰۲-ییل نینگ میزان آی ده تشقی ایشلر وزیرلیگی سرپرستی امیرخان متقی، ایران، پاکستان، چین، اۉزبېکستان و تورکمنستان وکیللری نینگ حضوری بیلن روسیه نینگ کازان شهریده بولیب اۉتگن اېدی.
