روسیه، افغانستان ده نیازمند عایلهلرنی قوللب-قوتلش مقصد، بیر مینگ ۲۸۰ متریک تن اوننی، خلقارا آزیق-آوقت دستوریگه یاردم بیرگن.
مذکور یاردملر، بوگون (۴-جوزا، یکشنبه)، شمال زونیدهگی خلقارا آزیق-آوقت دستوری ادارهسیگه تاپشیریلگن.
بیزلرنینگ فیسبوک صحیفهمیزگه باش اورینگ!
مزارشریف شهریدهگی روسیه قنسولی ایگار نیکالایف، اوشبو یاردملرنی تاپشیریش چاغیده اورغولشیچه، مسکو افغانستان اهالیسیگه انسانسیورلیک یاردملرینی دوام بیریشگه متعهد دیر. اونینگ ایتیشیچه: «روسیه انسانسیورلیک یاردملری کوچهیشی و ایکی مملکت آرهسیده مناسبتلر دوامی اوچون، افغانستان اهالیسینی قوللب-قوتلشگه قیزیققن دیر.»
شوندهی بیرحالده، بلخ ده خلقارا آزیق-آوقت دستوری مسئولی نجیبالله رحمانینینگ ایتیشیچه، بو یاردملر افغانستان شمالی ولایتلریدهگی نیازمند عایلهلر آرهسیده ترقهتیلهدی. او اوشبو تشکیلاتنینگ مالی قیینچیلیکلریگه اشاره قیلیب و کوپهیتیریشیچه: «اپریل آییده بیر میلیوندن آرتیق کیشیگه یاردم بیردیک؛ بیراق جاری آیده یالغیز قریب ۵۰۰ مینگ کیشیگه یاردم بیره آلهمیز.»
بیزلرنینگ «ایکس» ترماغی ده هم تعقیب قیلینگ!
بوگون خلقارا آزیق-آوقت دستوری، افغانستان ده فعالیتلرینی دوام بیریش اوچون جدی شکلده بودجه کملیگی بیلن روپهره بولگنینی ایتگن. مذکور نهادنینگ کوپهیتیریشیچه، نیازمند کیشیلرگه یاردم بیریش اوچون ۲۰۲۵-ییل اگست آییگچه ۵۵۵ میلیون دالرگه نیازی بار.
