بیرلشگن عرب امیرلیگی پایتختی ابوظبیده روسیه و اوکراین وکیللرینینگ صلح مذاکرهسیده، روسیه، دونباس بوتونلی روسیه گه تاپشیریلیشینی سورهگن.
رویترز، بوگون (۴ دلو/ ۲۴ جنوری، شنبه) ترقهتگن گزارشیده بو حقده خبر بیردی.
معلوماتلر گه کوره، اوتگن کون روسیه، اوکراین و امریکا وکیللری، تورت ییلدن بیری مسکو و کییف اورتهسیده دوام ایتیب کیلهیاتگن اوروش گه چیک قوییش و باسیب آلینگن حدودلر مسئلهسی حقیده بحث ایتگنلر. بیراق کورینیشیچه، بو اوچرهشوولر هنوزگچه نتیجه بیرمهگن.
اوکراین جمهور باشلیغی ولودیمیر زلنسکی، حدودلر کنترولی ابوظبیده مذاکرهلر اصلی بحثلریدن بولگنینی بیلدیرگن.
روسیه سونگی کونلرده اوکرایننینگ آست قورمهلریگه هجوملرینی آشیریب و قهرتان قیشده کییف کبی بویوک شهرلرنی برقلرینی کیسگن بیرحالده، امریکا واسطهچیلیگی بیلن اوچ تامانلمه مذاکرهلر اوتکزیلگن.
