روسیه جمهورلیک ریاستی سرایی (کرملین)، نینگ اعلام قیلیشیچه، روسیه و اوکراین آرهسیدهگی آتیش کیسین، مسکو شرطلری بیلن کییفنینگ کیلیشگنیگه قدر اوزهیتیریلمهیدی.
شوندهی بیرحالده، اوکراین جمهور باشلیغی ولودیمیر زلنسکی، اوزاق مدتلی آتیش کیسین برقرار بولیشینی سورهب و اورغولشیچه، حاضر بو توغریده قرار آلیش مسکو گه تیگیشلی دیر.
روسیه و اوکراین ارتدوکس بیرمی مناسبتی بیلن وقتینچهلیک آتیش کیسین اعلام قیلگن ایدیلر، بیراق ایکی تامان بیر-بیرینی اونینگ بوزیشگه عیبلهگن.
اوکراین قوراللی کوچلری باشلیغی، فیسبوک صحیفهسیده، روسیه آرقهلی ۲۲۹۹ ته آتیش کیسیننی بوزیش حالتی ثبت بولگنینی معلوم قیلگن.
شونینگدیک روسیه مدافعه وزیرلیگی، کییفنی اوشبو آتیش کیسیننینگ قریب ۲۰۰۰ مرته بوزیشگه عیبلهگن.
اوتگن ییلی هم، ارتدوکس بیرمی مناسبتی بیلن بو کبی آتیش کیسین اعلام بولدی، لیکن مذکور پیت هم ایکی تامان بیر-بیرینی بیر قطار نقضلرگه عیبلهگن ایدی.
