اسلام امیرلیگی باش وزیری اقتصادی اورین باسرلیگی‌نینگ ایتیشیچه، قازان شهری‌ده اوتکزیلگن «افغانستان-روسیه سوداگرلیک فرمی» ییغیلیشی یکونی‌ده، افغانستان و روسیه آره‌سیده تورلی بولیم‌لرده بیش‌ته همکارلیک شرط‌نامه‌لر امضالنگن.
مذکور شرط‌نامه‌لر، اوتگن کون (۲۶-ثور، جمعه)، اسلام امیرلیگی باش وزیری‌نینگ اقتصادی اورین باسری عبدالغنی برادر و اقتصادی ایشلر بوییچه روسیه باش‌وزیری اورین‌باسری الکسی اویرچوک، دولتی نهاد‌لر و ایکی مملکت‌نینگ خصوصی شرکت‌لری آره‌سیده امضالنگن.
بیزلرنینگ فیسبوک صحیفه‌میزگه باش اورینگ!
اسلام امیرلیگی باش وزیری اقتصادی اورین باسرلیگی‌نینگ بیانیه‌سی اساسیده، اوشبو شرط‌نامه‌لر افغانستان ترانسپورت و هوا یوللری وزیرلیگی بیلن روسیه ترانسپورت وزیرلیگی آره‌سیده ترانسپورت و ترانزیت بوییچه همکارلیک‌لر، ایکی مملکت سودا اتاق‌لری آره‌سیده تجارت سطحی آشیشی و شونینگدیک افغانستان ده گاز‌نینگ قیدیریش، قازیب چیقریش و تازه‌لش توغریسیده بویوک خصوصی شرکت‌لردن قطاری بیلن همکارلیک‌‌دن عبارت دیر.
قوشمه سودا، صناعت و لوژیستیک مجموعه‌سی‌نینگ آچیلیشی همده منطقه‌وی تجارت‌نینگ مستحکم‌لنیشی، اسلام امیرلیگی و روسیه آره‌سیده‌گی کیلیشوو‌نینگ باشقه بولیم‌لری‌دن دیر.
بیزلرنینگ «ایکس» ترماغی ده هم تعقیب قیلینگ!
مذکور شرط‌نامه‌لر، اسلام امیرلیگی منطقه و دنیا مملکت‌لری بیلن اوز اقتصادی و تجارتی علاقه‌لری‌نی کوچه‌یتیریش اوچون سعی‌وحرکت قیله‌دیگنی بیرحالده، امضالنگن.
اسلام امیرلیگی باش وزیری‌نینگ اقتصادی اورین باسری عبدالغنی برادر، اوتگن هفته چهارشنبه کونی، «خلق‌ارا قازان اقتصادی فرمی‌نینگ اون آلتینچی» ییغیلیشی‌گه شرکت قیلیش مقصد، روسیه‌نینگ تاتارستان گه جونب کیتگن ایدی.
