مکروریان‌لر نینگ مرکزگرمی سیتسمی ایش‌دن قالیشی خصوصیده خواطرلردن کیین، «اولمپ انرژی» اسملی روسیه‌لیک بیر شرکت مجانی شکلده اوشبو سیستم تیکشیریلیش ایشینی زمه‌سیگه آلگن.
مکروریان‌لردن حفظ و مراقبت قیلیش ریاست مسئوللری نینگ ایتیشلریچه، مکروریان‌لر نینگ مرکزگرمی سیستمی ییل‌لردن بویان قوللنیش سبب حاضر ایش دن قالگن.
بیزلرنینگ فیسبوک صحیفه‌میزگه باش اورینگ!
مکروریان‌لردن حفظ و مراقبت قیلیش ریاست نینگ تخنیکی و عملیاتی اورین باسری مجاهد انصار خبری بیر ییغینده ایتیشیچه، مکروریان‌لر نینگ سوو ییتکیزیش، مرگز گرمی و کانالزیسیون تیزیمی، ییل‌لردن بویان قوللنیش سبب استهلاک بولگن.
اونینگ کوپه‌یتیریشیچه، مکروریان‌لر یشاوچیلری گه صحی سوو ییتکیزیش و مرکزگرمی سیستمینی قیته تعمیرلش مقصدیده، روسیه‌لیک بیر شرکت بیلن قوشمه تیکشیریشنی باشله‌گنلر.
عین‌حالده، مکروریان‌لر نینگ تخنیکی تیزیمینی تیکشیریش اوچون کیلگن (CEO) شرکت باشلیغی الکسی مازارین گه کوره، اولر افغانستان‌لیک انجنیرلر همکارلیگی بیلن، مکروریان‌لر نینگ مرکزگرمی سیستمینی تعمیرلش اوچون تلاش قیله‌دیلر.
مکروریان‌لردن حفظ و مراقبت قیلیش باشلیغی غلام عمر عبدالله نینگ ایتیشیچه، اولر نینگ یگانه غایه‌لری مرکزگرمی تیزیمینی فعال قیلیش، کانالزیسیون سیستمینی ترتیبلش و منظم سوو ییتکیزیش سیستیمینی فعال قیلیش دیر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه، اوتگن ییلی آغیر مصرف باعث مرگزگرمی تیزیمی فعال ایمس ایدی و حاضر اوشبو سیستم تعمیرلنیشیدن کیین فعال قیلینیشی کوتیله‌دی، مصرف کم بولیشی اوچون اوشبو سیستم‌نی یاقیلغی ماده اینیقسه تیل، گاز و تاش کومیردن قوللنیش گه اساس توزه ته‌دیلر.
عین‌حالده، اوتمیش قیش‌لرده مکروریان‌لر یشاوچیلری، مرکزگرمی تیزیمی منظم ایمسلیگیدن شکایت قیلگن ایدیلر.