روسیه تشقی ایشلر وزیرلیگی شنبه کونی اوشبو وزیرلیک سوزلاوچیسی‌دن نقل قیلیب یازیشیچه، مسکو افغانستان و پاکستان آره‌سیده‌گی کیسکین‌لیکلرنینگ کوچهیشیدن خواطرلنگن.
روسیه تشقی ایشلر وزیرلیگی سوزلاوچیسی ماریا زاخارووا، افغانستان و پاکستان تامان‌لریدن صحبت قیلیش آرقه‌لی توقنشوولر‌نینگ حل قیلینیشی‌نی ایسته‌گن.
روسیه تشقی ایشلر وزیرلیگی سایتی‌ده ترقه‌تیلگن اوشبو وزیرلیک سوزلاوچیسی صحبت‌لری‌نینگ بیر بولیمی‌ده کیلیشیچه: «مسکو پاکستان و افغانستان چیگره‌سیده کیسیکن‌لیکلر کوچهیشیدن خواطرلنگن که بو توقنشوولر نه فقط حربی‌لر، بلکیم تینچ‌اهالی‌نینگ اولیمی‌گه هم سبب بوله‌دی.»
بیزلرنینگ فیسبوک صحیفه‌میزگه باش اورینگ!
روسیه تشقی ایشلر وزیرلیگی سوزلاوچیسی، جنجل‌لر‌نینگ تینچ یول بیلن حل بولینیشی اوچون ایکی تامان اورته‌سیده «نتیجه‌لی مذاکره» نی توصیه قیلگن.
بیراق سیاسی ایش بیلرمان‌لر پاکستان ده‌گی ایچکی اختلافلر‌نی افغانستان و پاکستان آره‌سیده‌گی توقنشوولر دوام قیلیشی سببی دیگنلر.
اولر‌نینگ کوپه‌یتیریشلریچه، پاکستان مذکور مملکت‌ده‌گی ایچکی اختلافلر طفیلی قیینچیلیکلرنی افغانستان زمه‌سیگه تشله‌ب و توقنشوولرنی کوچه‌یتیره‌دی.
بو توغریده سیاسی ایش بیلرمانلردن خلیل‌احمد نادم‌نینگ ایتیشیچه: «پاکستان افغانستان توپرایغی‌نی بمباردمان قیلگنی صورت‌ده، افغانستان‌لیکلر مجبور توپراق بیلن اهالی‌دن دفاع قیلسه. فکرمچه روسیه واسطه‌چیلیگی‌‌نینگ فایده‌سی یوق، چونکه بو پاکستان‌نینگ ایچکی قرمه‌قرشیلیگی دیر. اولر نیچه گروه‌لر و مذکور مملکت‌‌نینگ اوز اهالی‌سی حقلرینی ایسته‌یدیلر و انه شوو سبب، روسیه‌نینگ واسطه‌چیلیگی ایکی مملکت آره‌سیده‌گی قیینچیلیکلرنی آز مدت‌لی حل قیلیشی ممکن.»
شونینگدیک سیاسی ایش بیلرمانلردن باشقه بیری عزیز معارج‌نینگ ایتیشیچه: «بو کیسکین‌لیکلر ایکی مملکت فایده‌سی‌گه ایمس. تلفات‌‌دن باشقه نتیجه‌سی یوق. برچه قیین‌چیلیک‌نینگ مذاکره‌لر و ایکی مملکت آره‌سیده کیلیشوولر آرقه‌لی حل بولیشی کیره‌‌ک. روسیه قدرت‌لی بیر مملکت دیر و اولر منطقه‌ده توقنشوولر‌نینگ کوچه‌یمسلیگی اوچون سعی‌وحرکت قیله‌دیلر.»
بیزلرنینگ «ایکس» ترماغی ده هم تعقیب قیلینگ!
اوتگن هفته سه‌شنبه کونی شام چاغی، پکتیکا گه پاکستان‌نینگ هوا هجوملریده عاقبتیده، کمیده ۵۰ کیشی اولیب و اونلب کیشی یره‌لنگن.
پکتیکا گه پاکستان‌نینگ هوا هجومی‌دن اوچ کون اوتگنی‌دن کیین، شنبه کونی اسلام امیرلیگی مدافعه وزیرلیگی پاکستان برابریده قصاص آلیش هجوملریدن خبر بیرگن.
خلق‌ارا ییتکیرمه‌لردن قطاری جمله‌دن رویترز و فرانس پرس، پاکستان و اسلام امیرلیگی حربی‌لریدن قطاری‌نینگ اولیب و یره‌لنگنی‌دن خبر بیرگن.