حیات، بیز یوریدیگن، یوگوره‌دیگن، ییتیب کېله‌دیگن و بعضن ییقیلیب توشه‌دیگن پست-بلند یول دیر. بو یولده، مغلوبیت گه تن بیره‌دیگنلر هم بار و کوپینچه کیشیلر هم آلغه باریشنی اویلب و اونگی‌لریده‌گی توسیق‌لردن اوتیب و موفقیت گه ایریشیش اوچون قدم قویه‌دیلر. بو گزارش ده، سلام‌وطندار حیات‌لریده کوپ قیینچیلیک‌لرنی باشدن کیچیریب و مقصدلری گه ایریشیش اوچون سعی-حرکتدن واز کیچمه‌گن ییگیتلر بیلن صحبت اوتکزگن.
بو یاشلردن بیری ایاق و قولدن فلج بولگن ربابه محمدی دیر، بیراق کوچلی تورتکی و چیکلاولرنی قبول قیلمه‌ی اوتکیر عقلی بیلن ماهر رسام بولیش گه اولگورگن. آغیز بیلن قلم نی اوشلش، ربابه اوچون اینگ قیین بولگن؛ لیکن او بو قیینچیلیکنی یینگیب اوتیب و استه-سکین رسام قلمی گه یقین بولیب و هر قنده‌ی تصویرنی رسم‌گه ایلنتیریش گه اولگورگن.
ربابه اسلام عالمی فرهنگی پایتختی غزنی ده توغیلگن، او یالغیزلیگی طفیلی رسم‌گه ایلنتیرگن تصویرلری آرقه‌لی سوزلرینی باشقه‌لر گه ایتیش گه حرکت قیلگنینی ایته‌دی. «تشقری چیقمسدیم؛ اوقیش ویازیشنی اوی ده اورگندیم. نقاش‌لیک مین ایشله‌یدیگن یالغیز دوستیم ایدی و مینگه حضور بیرردی، شونی اوچون بو صنعت نی سیوه‌من.»
ربابه نینگ اطرافی ده‌گیلری اونی کوچ‌سیز و ناگران اوله‌راق کورسه‌لرده؛ بیراق او جمعیتده‌گیلر نینگ بو ایشانچی گه تن بیرمه‌ی و اوزی اوچون چیزگن غایه گه ایریشیش مقصدیده اوتگن کونگه نسبتن کوپراق زحمت چیقیککن و حاضر جمعیتده نقاش و کوچلی اراده‌لی کیشی اوله‌راق قبول قیلینگن. اونینگ کوپه‌یتیریشیچه: «مین ویلچر اوستیده‌گی بیرینچی کیشی بولیب و تشقری چیقیش گه حرکت قیله‌من؛ چونکه افغانستانده‌گی کوپینچه ناگران‌لر ویلچر اوستیده بولیب و جسمانی قیینچیلیک‌لری بار تشقری چیقمه‌یدیلر؛ اویله‌یدیلر و اهالی اولرنی مسخره قیلیشه‌دی؛ بیراق مین باشقه عادی انسان‌لر کبی حیات کیچیریش اوچون حرکت قیلدیم.»
بیزلرنینگ فیسبوک صحیفه‌میزگه باش اورینگ!
ربابه محمدی حاضر کانادا ده یشه‌ماقده، حیاتیده الگوسی بارلیگی چیکلاولر و توسیق‌لرنی باسیب اوتیشی گه سبب بولگنینی معلوم قیله‌دی. او، آسترالیالیک ایاق و قولی بولمه‌گن موفق یازووچی «نیک ووییچیچ» دن انگیزه آلیب و یالغیز اوز حیاتینی اویله‌گن. «کتاب‌لرینی اوقیگنده؛ ایته دیگن سوزلری یوره‌ک قیغولرینی چیقره‌دی حیاتیمده اوندن انگیزه آلیب واونی الگو قرار بیردیم.»
افغانستانده باشقه یوزلب ییگیت حاضر موفقیت‌لیککه ایریشگنلر ایتیشلریچه، موفق شخصیت‌لردن انگیزه آلیب و اولرنی الگو قرار بیریش، حیات نینگ قیین یوللرینی بیرآز قیغو و قووانچ بیلن کیزگنلر. بو گزارش ده موفق ییتتی ییگیت بیلن صحبت اوتکزیلگن و اولر نینگ برچه‌سی انگیزه و اولگو قرار بیریشنی موفقیت‌لیککه ایریشیش اوچون مهم اته‌گنلر.
افغانستان فوتسال ملی تیرمه جماعه‌سی کاپیتانی مهدی نوروزی، پرتگال‌لیک فوتبال یولدوزی کریستیانو رونالدو دن انگیزه و اونی اولگو قرار بیریب و حاضرگی موفقیتی گه ایریشیب و افغانستان اوچون ملی و خلق‌ارا بیلله‌شوولرده اشتراک ایته آلیشی گه سبب بولگنینی ایته‌دی.
سرپل‌لیک مهدی و حاضر ایران ده تیریکچیلیک قیلیب کیلماقده ایتیشیچه، توپراقلی ییرلرده فوتبال اوینی گه دوام بیرگن. «آته‌م سپورت قیلردی؛ بیر کون آته‌م مینگه قونغیراق قیلدی و مسابقه‌م بارلیگینی ایتدی؛ اوشه کون آته‌م نینگ باشی یاریلگن ایدی و فوتبال اوینه‌ی آلمس ایدی؛ اوشه کوندن باشلب آته‌م نینگ عوضی گه مین بولیب و فوتبال نی مسلکی شکلده باشله‌دیم.»
بیزلرنینگ «ایکس» ترماغی ده هم تعقیب قیلینگ!
مهدی گه کوره، الگوسی بارلیگی کوپراق تلاش قیلیشی گه سبب بولگن. او بوتون علاقه و آرزولرینی پرتگال‌لیک فوتبال یولدوزی کریستیانو رونالدو نینگ شخصیتیده کوره‌دی. اونینگ ایتیشیچه، کوپ تلاش قیلیش و کوره‌شیش مهدینی اوزی گه تارتگن خصوصیت‌لردن دیر. «رونالدو نینگ خصوصیت‌لریدن بیری کوپ کوره‌شیش دیر، او هیچ قچان کوره‌شیش دن واز کیچمه‌یدی و هردایم مشق قیله‌دی؛ رونالدو نینگ شو خصوصیتی اوچون مین اونی الگو اوله‌راق تنله‌دیم.»
کانکور سیناوی نی اوتکزیش، یخشی نمره آلیش و ایسته‌گن تحصیلی بولیم نی قازانیش، هر بیر ییگیت نینگ ایریشماقچی بولگن باشقه بیر آرزوسی دیر؛ لیکن بو هدف گه ییتیشیش، کیچه و کوندوز کوپینچه سعی‌وحرکت ایسته‌یدی.
دایم سعی‌وحرکت قیلیش، عایله‌دن اوزاق بولیش، کیچه‌لرده اویقوسیزلیکلر و دم آلیشلردن اوزاق بولیش بیلن کانکور سیناوی‌ده ۳۶۰ نمره‌دن ۳۵۴ نمره قولگه کیلتیریب و کابل نینگ طبیات بیلیم یورتی‌گه ایسته‌گنی بولیم گه یول تاپگن قیس نینگ ایتیشیچه: «آز اویقو، دم آلیش‌دن محروم قالیش و حتا آچ قالیشلرنی چیده‌گن مین؛ عایله‌م شغنان ده ایدی، آته و آنه نینگ مهری و اولر نینگ ترغیب‌لریدن اوزاق ایدیم؛ بعضی وقت‌لر ایسه تلیفون آرقه‌لی صحبت قیله‌ر ایدیم.»
قیس کانکور سیناوی‌ده بو موفقیت‌نی تحسین گه لایق بیلمه‌ی؛ بیراق کیله‌جگ‌ده باشقه‌لر گه اورنک بولیش اوچون کوپینچه سعی‌وحرکت قیله‌دی. «باشقه‌لر گه اورنک بولیش اوچون کوپ سعی‌وحرکت قیله‌من؛ بونگه ایشانچیم بار که باشقه‌لر مینی اورنک صفتیده قبول قیله‌دیلر.»
بو گزارش‌ده اولر بیلن صحبت قیلینگن ییگیتلر، حیات‌ده اورنک آلیش نینگ موفق بولیشلری اوچون بیر سبب بیله‌دیلر.
شونده‌ی بیرحالده، اجتماعی مسئله‌لر بیلرمانلری، اورنک آلیش نینگ ییگیتلر اوچون اونملی دیب و ایتیشلریچه، موفق ییگیتلر، باشقه ییگیتلر نینگ تشویق بولیشی گه سبب بوله‌دی.
اجتماعی مسئله‌لر بیلرمانلریدن شفیق‌الله انصار نینگ ایتیشیچه: «موفق ییگیتلر باشقه ییگیتلر و یاش ییگیتلر نینگ عالی اوقوو گه ایگه بوله آلیشلری اوچون تشویق قیله آله‌دیلر. بولر جمعیت‌لریده بیر اورنکلر و باشقه‌لر نی یخشی یولگه تشویق قیله آله‌دیلر.»
بو گزارش‌ده صحبت اوتکزیلگن ییگیتلر، اقتصادی قیین‌چیلیکلر، عایله و جمعیت تامانیدن قوللب-قوتلنمسلیک، ایش و تحصیلی فرصت‌لر بولمه‌گنی، ناتینچ‌لیک و باشقه اونلب قیین‌چیلیک بیلن روپه‌ره بولیب؛ بیراق تسلیم بولمه‌‌ی و یوللری گه دوام بیرگنلری بیرحالده، موفقیت گه ایریشگنلر.
