اسلام امیرلیگی اخبارات و مدنیت وزیرلیگی، افغانستانده خبرچیلرنی قوللب-قوتلاوچی اوچ نهاددن باشقه بوتون نهادلرنینگ فعالیت قیلیش جوازی بیکار قیلینگنینی اعلان قیلدی.
اوشبو وزیرلیک، بوگون (۶ دلو/ ۲۶ جنوری، دوشنبه) ایکس صحیفهسیده بیر بیانیه ترقهتیب بو حقده خبر بیردی.
بیانیهده، فعالیت قیلیش گه ایزین بیریلگن اوچ نهاددن آت توتیلمهگن.
اخبارات و مدنیت وزیرلیگی بیانیهسیده، بو قرار خبرچیلرنی قوللب-قوتلاوچی نهادلرنینگ ایشلریگه دایر، خبرچیلر و ییتکرمه نهادلرنینگ شکایتلریدن سونگ آلینگنی ایتیلگن.
اخبارات و مدنیت وزیرلیگی، اوشبو نهادلرنینگ کوپینچهسی خبرچیلر و ییتکرمهلرنی قوللب-قوتلش اورنیده، قیینچیلیکلر گه سبب بولیب و دنیا مقیاسیده افغانستان ییتکرمهلری اعتباری گه ضرر ییتکزگنینی ایتگن.
