آرهدن کوپ وقت اوتمهگن اېدی تخار مرکزی تالقان شهریده کوچهلر بوییدهگی درختلر شهرگه گوزهللیک بغیشلب و آکسیجن ایشلب چیقریشده مهم رول اوینردی، بیراق حاضر نه درختلردن درک بار، نه اولرنینگ شاخهلریده این (اویه) قورهدیگن قوشلردن.
سۉنگی ایکّی ییل ایچیده شهروان اریغی بوییلری و تالقان شهرینینگ عمومی سرکی ایکّی تامانیدهگی درختلرنینگ کوپینچهسی کېسیلگن.
عبدالجبار، تالقان شهریدهگی اېتیک دوز (موچی)لردن بیری، اوللری ایش جاییده ۵۰-۶۰ ییللیک بیر چنار درختی بولگنینی اېتهدی. او ایسیق کونلرده عینن شو درخت سایهسیده ایشلب، کونلیک مشقتلرینی یینگیللشتیرردی. اونینگ ایتیشیچه، سۉنگی ایکّی ییلدن بیری اېندی بوندهی درخت یوق-سایهسیده چرچاغینی چیقریش اوچون.
تالقان شهریده ییتّی ییلدن بیری اېتیک دوزلیک بیلن شغللنهیاتگن عبدالجبار، درختلرنینگ بوش قالگن جایلریگه ساغینچ بیلن قرهب، بوندهی دیېدی: «ایکّی ییلدن بیری درخت یوق، شو باعث قویاش آستیده یشهیپمیز. قویاش هم ایسیق، هوا چنگ و افلاس. بیش کون ساغلام بولسهی، کېینگی بیش کون کسل بولهمیز. بوغوزلریمیز چنگ طفیلی بند، آرزو قیلهمیز شهریمیز یشیل بولسین، درختلر بولسین و پارکلر فعال بولسین.»
بیزلرنینگ فیسبوک صحیفهمیزگه باش اورینگ!
شهرنینگ باشقه بیر بورچهگیده، محمد اکرم، ۳۰ ییلدن بیری شهرده قول اوستیده سودا ساتهدی ایتیشیچه، تالقان شهری سرکلری بوییده هر بیش مترده کتّه بیر چنار درختی بار اېدی و یاز آییلریده قویاش نورلری اولرنینگ یپراقلری آرهسیدن زور گه ییرگه یېتیب بارردی.
اونینگ ایتیشیچه، بو درختلرنینگ سایهسیده یشاوچیلر چای ایچیش و حکایهلر اېتیش اوچون بیر جای بار اېدی؛ بیراق اوتگن ییلدن باشلب شهردهگی کوپینچه درختلر کېسیلدی، اېندی اېسه کوننینگ ایسیغیده درختلرنینگ اورنیگه باشلریگه سایهبان توتیش گه مجبور. «بو ییرده آدملر درختلرنینگ سایهسیده اۉز محصولاتلرینی ساتیشهدی باشقه آدملر هم کېلیب ییغیلیشهدی، سایهسی جوده هم یاقیملی اېدی، اېندی اېسه چنارلر یوق، میدان قوروق بولیب قالگن، همه نرسه قویاش آستیده، سایه قالمهگن. اېندی هېچ قییرده حتا دکان آغزیده هم اۉزینگیزنی پنه قیله آلمهسیز. چنارلر بوتونلی یوق بولیب کېتدی اېلدیزی بیلن سوغاریب تشلهگنلر.»
شو بیلن بیرگه، تخاردهگی یشش محیط ایش بیلرمانلریدن بیری حکمتالله، تالقان شهری بلدیهسی شهروان اریغی ایکّی تامانی و شهر ایچیدهگی سرکلرنی توزهتیش اوچون، سرک توزهتیش گه توسیقلیک قیلمهگن یوزلب درختنی کېسگنینی اېتهدی.
بیزلرنینگ «ایکس» ترماغی ده هم تعقیب قیلینگ!
حکمتاللهنینگ کوپهیتیریشیچه: «شو سببلی، دولت کېنگراق درجهده قرار قبول قیلیشی کېرهک و بلدیه همده یشش محیط ریاستلریگه ملَکهلی و تخنیک بولیمیگه ایگه متخصصلرنی تعیینلشی لازم. اولر اېسه انیق و پخته طرزده فقط درخت کېسیلیشی اېمس بلکه اوشبو ادارهلرگه علاقهدار برچه یشش محیط مسئلهلرینی توغری نظارت قیلیشلری کېرهک.»
شو بیلن بیرگه تخار یشش محیط ریاستی گه کوره، ایکینچیلیک، بلدیه و یاردم بیرووچی نهادلرنینگ همکارلیگی بیلن تالقان شهری و اوشبو ولایتنینگ تومنلریده بیر میلیون نهال اېکیلگن و یشیل حدودلر سقلنگن. «ینگی ییلده بیر میلیون درخت ساتیب آلینیب مرکز و ۱۶ تومننی اوز ایچیگه آلگن تورلی جایلرگه کوچت اېکدیک. اېکیلگن کوچتلر پرورش و حمایه گه محتاج، بو اېسه خلقنی همکارلیگی گه باغلیق-آدملر سوو بیریش و اولرنی اسرهش گه اعتبار قرهتیشلری کېرهک.»
تالقان شهری بلدیه مسئوللرینینگ ایتیشلریچه، تالقان شهری سرکلری بوییدهگی درختلرنی باغلیق مسئوللرنینگ اویغونلیگی بیلن سرکنی کېنگهیتیریش مقصدیده کېسگن؛ بیراق شو بیلن بیرگه، تالقان شهرینینگ باشقه حدودلریده مینگلب نهال اېکیلگن.
تالقان شهری بلدیهسی سۉزلاوچیسی حیاتالله صفرینینگ سلاموطندار گه ایتیشیچه: «یولنی کېنگهیتیرگنیمیزدن سونگ، اونینگ اورتهسیده گلدانلر یسهدیک و اولر گه تورلی خیل میسهلر همده گللر اېکدیک. بوندن تشقری شهر گوزهللیگینی آشیریش مقصدیده بعضی درختلرنی هم اېکّنمیز.»
اوتمیشده، بهار و یاز کونلریده تالقان شهریدن اوتگنینگیزده، قدیمی درختلرنینگ سایهلریدن یېنگیل شماللر یپراقلر آرهسیدن اوتیب، هوانینگ یېنگیللیگی شهر گه اۉزیگه خاص بیر جاذبه بیرردی. حاضرده تالقان شهری بلدیهسی بو گوزهللیکنی قیتریش وعدهسینی بیرماقده.
