مملکتنینگ قطار ولایتلری یشاوچیلری، کوندهلیک قیینچیلیکلری یانیده سونگی ییللرده هوا اوزگریشلری و قوروقچیلیکنینگ سلبی تاثیرلری بیلن هم روپهرهلر. بو آرهده غزنی ولایتی یشاوچیلری نیچه ییلدن بویان کیتمه-کیت قوروقچیلیکلرنی تجربه قیلیب و سوو کملیگی قیینچیلیگی ایسه ایکینچیلیک و چاروهچیلیککه علاوه، حاضر اهالینینگ اجتماعی حیاتینی هم نشان گه آلگن.
غزنی یشاوچیلریدن جان آقا، مذکور ولایتنینگ بیر قطار بولیملریده ایچیملیک سوو قودوقلریده سوو سطحینینگ پس توشیشیدن خواطر بیلدیریب و ایتیشیچه: «اوزیمیزده قودوق بار ایدی، کوپ کیشی سوو اوچون اوییمیز گه کیلهر ایدی، حاضر اوزیمیز بشکه آلیب اهالی اوییگه یوریگنمیز.»
شونینگدیک مذکور ولایت یشاوچیلریدن باشقه بیری خان محمدنینگ ایتیشیچه: «سونگی کونلرده قودوقلر قوریگن و نللردن قطاریدن هم سوو کیلمهیدی. انه شوو سبب، بیزلر کوپینچه قیینچیلیک بیلن روپهرهمیز. کوپینچه یول یوریب و سوو کیلتیرهمیز. کوپ قیینچیلیککهمیز.»
بیزلرنینگ فیسبوک صحیفهمیزگه باش اورینگ!
مذکور ولایت یشاوچیلری سوولرنینگ مدیریت بولیشی اوچون سرپرست حکومت تامانیدن چاره-تدبیر کوریلیشینی ایستهب و ایتیشلریچه، قوروقچیلیکلر دوامی و اهالی آرقهلی حددن تشقری سوونینگ فایدهلنیشی، سوو کملیگی قیینچیلیگینی کوپهیتیرهدی.
بو توغریده غزنی ولایتی خواجه عمری تومنی یشاوچیسی صمیمنینگ ایتیشیچه: «ییرلر قوریگن، درختدهگی میوهلر خراب بولگن. قازگنیمیز قودوقلر قوریب و هیچ سووی یوق. اهالی کوپینچه قیینچیلیک بیلن روپهره بولگن. دولتدن تیزلیک بیلن بو قیینچیلیکنینگ حل قیلیشینی ایستهیمیز.»
شونینگدیک مذکور ولایت نوآباد منطقهسی یشاوچیسی عارف، اهالی آرقهلی حددن تشقری سوودن فایدهلنیلیشی سبب، سوو سطحینینگ پس توشیشینی بیان قیلیب و ایتیشیچه: «اهالی بو توغریده جودهیم خواطرلنگن. اوتگن ییللرده بو کوچهلرده اوچ-تورت جایده سوو بار ایدی، قیغو بیلن جاری ییلده اوشبو قودوقلر قوریب و اهالی کوپینچه قیینچیلیک بیلن روپهره بولگن.»
شوندهی بیرحالده، یشش محیط و ایکینچیلیک بیلرمانلرینینگ ایتیشلریچه، سوودن ستندرد شکلده فایدهلنیش و قطرهای سووغاریش سیستملرینی رواجلنتیریش بیلن، بو قیینچیلیککه قرشی کورهش ممکن.
بو توغریده بیلیم یورت استادی حشمتالله سایسنینگ ایتیشیچه: «حاضر برچهمیز کورهمیز که ییر آستی سوولر سطحی قویی کیتگن. قوروقچیلیک و سوو کملیگی بیلن قرشی کورهش یوللریدن بیری ییر آستی سوولرینینگ ستندرد شکلده فایدهلنیش دیر، اینیقسه غزنی ولایتیده دهقانلر آرقهلی فایدهلنهدیگن سوولر کوپراق ییر آستی سوولر دیر و بیزلر یامغیر یا قطرهای سیستملری یا-ده باشقه زمانهلری سیستملریدن فایدهلنیش بیلن، اوشبو قیینچیلیکنی بیراز حل قیله آلهمیز.»
بیزلرنینگ «ایکس» ترماغی ده هم تعقیب قیلینگ!
قوروقچیلیکلر دوامی و حددن تشقی سوودن فایدهلنیشی، غزنی ده محلی مسئوللرنی هم خواطرلنتیرگن. غزنی ایکینچیلیک، سووغاریش و چاروهچیلیک ریاستینینگ نشرات بولیمی مسئولی محمدزکریا هوتکنینگ سلاموطندار گه ایتیشیچه، مذکور ریاست اوشبو ولایتده سوولرنینگ مدیریت بولیشینی زمانهوی ایکینچیلیک اصوللریدن بیلهدی و بو توغریده اهالی آگاهیلیگی اوچون بیر قطار برنامهلر نظرگه آلینگن.
جناب هوتکنینگ کوپهیتیریشیچه: «بو کبی فعالیتلرنینگ دوام قیلگنی صورتده، زراعتی و سوو منبعلری خراب بولیشیگه سبب بولهدی و غزنی ایکینچیلیک ریاستی سوو مدیریت بولیشی اوچون دهقانلر و باغدارلرگه یامغیر و قطرهای سووغاریش کبی سووغاریشنینگ زمانهوی اصوللرینی تانیشتیرگن. دهقانلر بیلن باغدارلر گه سوونینگ ملی سرمایه و کیلهجگیمیزنینگ امانتی بولگنینی ایتیب و اهالیدن چقور قودوق قازمسلیکلرینی ایستهیمیز.»
غزنی مملکتنینگ زراعتی ولایتلریدن بولیب، چقور قودوقلر قازیلیشی و دهقانلر بیلن باغدارلر آرقهلی حددن تشقری سوولرنینگ فایدهلنیشی، سونگی ییلردهگی قوروقچیلیکلر یانیده، ایچیملیک سوو منبعلریگه اهالینینگ قول تاپه آلمسلیگیگه سبب بولگن که بو ایش، مدیریت بولمهگنی صورتده یقینده غزنی ولایتی یشاوچیلری اوچون بویوک بیر قیینچیلیککه اوزگریشی ممکن.
