تخار اینیقسه «ماورای کوکچه» یشاوچیلری، اوشبو ییتتی تومننینگ استراتیژیک قتناو یولینینگ قیته قوریش و اسفالت قیلیش ایشی سُستلیگیدن شکایت قیلماقدهلر.
اولر گه کوره، بو یولنینگ قوریش ایشی نیچه آی اول باشلنگن بولسهده، بیراق ایشی سُست بولیب و باریب-کیلیش قیینچیلیکلری کمهیمهگن.
یشاوچیلر، حکومتدن خواجهغار – دشتقلعه لایحهسی یانیده بو یولنینگ قیته قوریش و اسفالت قیلیش ایشینی باشقه تومنلرگچه دوام بیریب و شرطنامه توزگن شرکتلرنینگ ایشینی یقیندن نظارت قیلیشنی سورهیدیلر.
شو بیلن بیرگه، تخار فواید عامه ریاستی سۉزلاوچیسی روحالله اکبری، ماورای کوکچه قتناو یولی اهمیتی گه اشاره قیلیب ایتیشیچه، بو لایحه ایشی فواید عامه و ترانسپورت وزیرلیگینینگ نظارتی آستیده دوام ایتماقده.
ماورای کوکچه یولی، تخارنینگ استراتیژیک یونهلیشلریدن بیریب بولیب ییتتی تومن و آیخانم تجارتی بندرینی بو ولایت مرکزی تالقان بیلن باغلهیدی و هر کونی مینگلب کیشی تورلی معمالر بیلن بو یولدن قتنهیدی.
