ییتکرمهلرنینگ معلوماتیگه کوره، امریکا مخصوص کوچلری جمعه کونی ایرانده اوریب توشیریلگن اف ۱۵ قیروچی اوچاقنینگ ایکینچی پیلوتینی بوگون (۱۶ حمل/۵ اپریل، یکشنبه) ایرتهلب قوتقرگن.
معلوماتلر گه کوره، بو عملیات مخصوص حربی کوچلر و هواده کینگ کولمده اوچاقلرنینگ اشتراکی بیلن عملگه آشیریلگن و امریکانینگ برچه کوچلری ایران حدودی دن چیققن.
شو بیلن بیرگه، امریکا جمهور باشلیغی دونالد ترامپ هم، ایران حدودلریده اوریب توشیریلگن بو مملکتنینگ یوقالگن پیلوتی قوتقریلگنینی ایتگن.
اونگه کوره، امریکانینگ بو عسکری یرهلنگن بیراق تیزلیک بیلن دوالنهدی. امریکا جمهور باشلیغی ۲۴ ساعت دوامیده بو عسکرنی کوزهتیب و اونینگ قوتقریش اوچون زمانهوی اوسکونهلر بیلن جهازلنگن اونلب اوچاق یوباریلگنینی قوشیمچه قیلگن.
عینحالده، جمعه کونی امریکانینگ ایکی قیروچی اوچاغی ایران حدودلری و خلیج فارسده اوریب توشیریلدی، اوچاقلرنینگ ایکی اوچووچیسی (پیلوتی) قوتیلدی و بیری ایسه ایران حدودلریده یوقالگن ایدی.
