افغانستان بوییچه اسلامی همکارلیک تشکیلاتی باشکاتبی مخصوص نمایندهسی طارقعلی بخیت، قطر تشقی ایشلر وزیرلیگی مخصوص نمایندهسی فیصل بن عبدالله الحنزاب بیلن اوچرهشیب و افغانستاننینگ اینگ سونگی اوزگریشلری توغریسیده صحبت قیلگنلر.
بیزلرنینگ «ایکس» ترماغی ده هم تعقیب قیلینگ!
اسلامی همکارلیک تشکیلاتی بیر بیانیه آرقهلی یازیشیچه، مذکور اوچرهشوو ۱۰-سرطان، سهشنبه، دوحه ده افغانستان گه تیگیشلی ایش گروهلری ییغیلیشی دایرهسیده اوتکزیلگن.
بوگون ایرتهلب (۱۱-سرطان، چهارشنبه)، ترقهتیلگن بیانیهده کیلیشیچه، اسلامی همکارلیک تشکیلاتی نمایندهسی، افغانستان ده صلح و ثبات رواجلنیشی اوچون قطر دولتینینگ سعیوحرکتلریدن قدردانلیک قیلگن.
بیزلرنینگ فیسبوک صحیفهمیزگه باش اورینگ!
شونینگدیک اوشبو اوچرهشووده طارقعلی بخیت، افغانستان اهالیسی نی قوللب-قوتلش بوییچه اسلامی همکارلیک تشکیلاتینینگ فعالیتلری، اینیقسه بو تشکیلاتنینگ کابل دهگی ادارهسی آرقهلی عملگه آشیریله یاتگن ایشلر حقیده گزارش بیرگن.
