اسلام امیرلیگی پاکستان خیبرپشتونخواه ایالتی تروریزم گه قرشی کوره‌ش اداره‌سی نینگ ادعاسینی رد قیلیب، افغانستان منطقه بویلب هیچ بیر مملکت اوچون تهدید ایمسلیگینی ایتگن.
اسلام امیرلیگی سوزلاوچیسی نینگ اورین باسرلریدن بلال کریمی نینگ سلام‌وطندار گه ایتیشیچه: «اسلام امیرلیگی نینگ موقفی بیللی دیر. اسلام امیرلیگی مملکت بویلب دایمی صلح برقرار ایتیلیشی گه طرفدارلیگی گه قوشیمچه منطقه و قوشنی اولکه‌لر ده امنیت و صلح تأمین ایتیلیشنی ایسته‌یدی. بیراق مملکت‌لر نینگ ایچکی ایشلری اوزلری گه تیگیشلی دیر، بیز باشقه مملکت‌لر نینگ ایچکی ایشلری گه اره‌لشیشنی ایستمه‌یمیز. افغانستان باشقه مملکت‌لر اوچون تهدید ایمسلیگیدن ایشانچ بیره‌میز.»
بیزلرنینگ فیسبوک صحیفه‌میزگه باش اورینگ!
خیبرپشتونخواه ایالتی تروریزم گه قرشی کوره‌ش اداره‌سی، اوتگن هفته پنج‌شنبه کونی، پاکستان خوفسیزلیک کوچلری نینگ عملیاتی جریانیده، جنوبی وزیرستان نینگ اسپینکی منطقه‌سیده بیر کیشی خودکش‌لیک قیلگنیدن خبر بیرگن.
مذکور اداره، خودکش‌لیک قیلگن کیشی افغانستان نینگ لوگر ولایتیدن کیلگن دیب ادعا قیلگن.
شو بیلن بیرگه، ملی خوفسیزلیک تدقیقاتچیسی شمشاد عزیز کاظمی نینگ ایتیشیچه، پاکستان اوشبو سوزلری بیلن مخالف‌لرینی سرکوب قیلیش مقصدیده اسلام امیرلیگی همکارلیک قیلیش اوچون، اولر اوستیگه باسیم کیلتیرماقده دیر.
شمشاد عزیز کاظمی نینگ کوپه‌یتیریشیچه: «افغانستان ده اسلام امیرلیگی نینگ غالب‌لیگی در حقیقت منطقه اینیقسه پاکستان ده عصیانچی گروه‌لر نینگ مورالینی کوچه‌یتیرگن. پاکستان‌لیک طالبلر تحریکی، افغانستان اسلام امیرلیگی نینگ سابق حکومت برابریده‌گی تاکتیک‌لریدن قوللنماقده‌لر.»
بیزلرنینگ توییترده هم تعقیب قیلینگ!
باشقه تاماندن، بیلیم یورتی اوقیتووچیسی محمود اضطرابی گه کوره، پاکستان توپراغیده اوشبو مملکت حکومتی گه قرشی جنگ قیله‌یاتگن گروه، اولر نینگ اوتگن کونگی دوست‌لری دیر.
بیلیم یورتی اوقیتووچیسی محمود اضطرابی نینگ ایتیشیچه: «پاکستان نینگ دشمن‌لری، اوتگن کونگی دوست‌لری دیر. بلوچ‌لر مستقل‌لیک دعوا قیلیشماقده و باشقه تاماندن تی‌تی‌پی موضوع‌سی دیر که کونسه‌یین کوچه‌یماقده.»
سونگی کون‌لرده پاکستان ده خودکش و پارتلش واقعه‌لری کوپه‌یگن؛ پاکستان حکومتی مذکور واقعه‌لر افغانستان تامانیدن اویوشتیریلگنینی ادعا قیلگن، لیکن اسلام امیرلیگی بو ادعالرنی رد قیلیب کیلماقده.
