احصائیه و معلومات ملی ادارهسی، بوگون (۳-سنبله، دوشنبه)، اوز اکس صحیفهسیده بیر بیانیه آرقهلی یازیشیچه، جاری قویاش ییل اسد آییده مملکت گه هوا قونالغهلری و چیگره قتناو یوللری آرقهلی ۲ مینگ ۳۳۷ چیتایللیکنینگ کیلیب-کیتیشی ثبت قیلینگن.
بیانیه گه کوره، ثبت بولگن رقملرگه قرهگنده مذکور مدتده ۶۷ عیال شامل ۱ مینگ ۳۰۵ چیتایللیک مملکت گه کیلیب و باشقه ۳۰ عیال شامل ۱ مینگ ۳۲ چیتایللیک مملکتدن کیتگن.
مذکور ادارهنینگ یازیشیچه، شونینگدیک ۱ مینگ ۲۸۳ کیشی چیگره قتناو یوللری و باشقه ۲۲ کیشی هوا یوللری آرقهلی مملکت گه کیلگن که اولردن، ۲۳۶ تهسی افغانستاننینگ تاریخی و قدیمی جایلرینی کوریش و قالگنی ایسه ایش و تحصیل مقصد کیلگن.
بیانیهده کیلیشیچه، بو ادارهده ثبت بولگن رقملر اساسیده، چیتایللیکلردن کوپینچهسی نیمروز قتناو یولی و قالگنی ایسه، هرات هوا قونالغهسی و قتناو یوللری، تورخم قتناو یولی، فاریاب ولایتی آقینه قتناو یولی، حیرتان قتناو یولی و بلخ هوا قونالغهسی آرقهلی افغانستان گه کیلگنلر.
بیزلرنینگ فیسبوک صحیفهمیزگه باش اورینگ!
