هرات حوزه‌وی کسل‌خانه‌سیده مسئوللر نینگ ایتیشلریچه، اوتگن کون یوز بیرگن زلزله نتیجه‌سیده، ۱۸۰ جسد و ۵۰۰دن آرتیق یره‌دار مذکور کسل‌خانه گه انتقال بیریلگن.
هرات حوزه‌وی کسل‌خانه‌سیده بیر منبع کیم‌لیگی سِر قالیش نی ایسته‌ب سلام‌وطندار گه ایتیشیچه، جسد‌لر و یره‌دارلر تیک اوچر آرقه‌لی اوشبو ولایت نینگ زنده‌جان تومنی‌دن مذکور کسل‌خانه گه انتقال بیریلگن و شونینگدیک حاضرگچه جسد و یره‌دارلر نینگ انتقال بیریلیشی دوام ایتماقده.
بیزلرنینگ «ایکس» ترماغی ده هم تعقیب قیلینگ!
مسئوللر، اوتگن کون (شنبه، ۱۵-میزان)، یوز بیرگن زلزله قربانی‌لری سانی کوپه‌یشی خصوصیده آگاه‌لنتیرگنلر.
شو بیلن بیرگه، هرات ده خصوصی کسل‌خانه‌سیده مسئوللر یره‌دارلر نینگ درمان بولیشی اوچون، تیارگرلیک بیلدیرگنلر؛ بیراق اولر گه کوره، حاضرگچه مذکور کسل‌خانه گه یره‌دارلر انتقال بیریلمه‌گن.
شونینگدیک هرات ده‌گی ییگیت‌لردن قطاری، قان بیریش اوچون اوشبو ولایت حوزه‌وی کسل‌خانه‌سی گه مراجعت قیلگنلر.
هرات کسل‌خانه‌لریده ساغلیق خذمت‌لر نینگ ارائه قیلینیشی اوچون ۱۶دن آرتیق شفاکار نینگ حضوری بار ایکن که، شفاکارلر سانی نینگ آز بولگنی سبب، عیال شفاکارلر هم چقیریلگن.
بیزلرنینگ فیسبوک صحیفه‌میزگه باش اورینگ!
میدیالردن قطاری بیرلشگن ملت‌لر تشکیلاتی‌دن نقل قیلیب، مذکور زلزله عاقبتیده اولگنلر سانی نی ۳۲۰ و یره‌دارلر سانی نی یوزلب کیشی دیب خبر بیرگنلر.
بوندن آلدین تشقی ایشلر وزیرلیگی یشاوچیلر نینگ هرات ولایتی زنده‌جان تومنی‌ده دیوارلر آستیدن قوتقریش اوچون، یاردم بیرووچی تشکیلات‌لردن عاجل یاردم ایسته‌گن ایدی.
مذکور وزیرلیک سوزلاوچیسی محمد عبدالله‌جان نینگ سلام‌وطندار گه ایتیشیچه، اوتگن کون یوز بیرگن زلزله نتیجه‌سیده، زنده‌جان تومنی و قیشلاق‌لری کامل شکلده ویران بولگن.
