بوگون “سه‌شنبه” نماینده‌لر کینگشی اعضالری نینگ اوشبو کینگش عمومی ییغینیده ایتیش‌لریچه، روند سبز استخباراتی بیر تشکیلات دیر.
نماینده‌لر کینگشی باشلیغی میررحمان رحمانی نینگ روند سبز نی استخباراتی تشکیلات عنوان قیلیب ایتیشیچه، اوشبو نهاد ایجاد ایتیلگنیدن حاضرگه‌قدر چیت‌یللیک مملکت‌لرنینگ بیری تامانیدن حمایت و تمویل قیلینه‌دی.
جناب رحمانی نینگ اختیاریده بولگن معلومات‌لر اساسیگه ایتیشیچه، روند سبز چیت‌ایللیک مملکت‌لردن بیریگه تیگیشلی دیر.
نماینده‌لر کینگشی باشلیغی نینگ ایتیشیچه، جمهورلیک ریاستی نینگ بیرینچی اورین باسری، ایکی قوه آره‌سیده نفاق تشلش اوچون سعی و حرکت قیله‌دی.
عین‌حالده، نماینده‌لر کینگشی عضوی الله گل مجاهد، افغانستان نی بحران تامان آلیب باریش اوچون هیچ‌کیم گه رخصت بیرمه‌یشینی بیلدیرگن. اونینگ ایتیشیچه، روند سبز پروژه‌ی دیر و کوپ قطار اهالی نینگ شهید ایتیلیشی‌گه سبب بولگن.
شونینگدیک، نماینده‌لر کینگشی اعضالریدن باشقه بیری عبدالظاهر سالنگی، حکومت دن روند سبز نینگ خره‌جتی نینگ قییردن کیلیشی‌نی تیکشیریشی‌نی سوره‌گن.
جناب سالنگی گه کوره، جمهورلیک ریاستی نینگ بیرینچی اورین باسری، روند سبز نینگ سرمایه‌سینی معامله قیلگن.
بیراق، روند سبز اعضالریدن بیری پیمان انوری نینگ نماینده‌لر کینگشی اعضالری ادعالرینی رد قیلیب سلام‌وطندارگه ایتیشیچه، روند سبز مملکت عدلیه وزیرلیگی ده اجتماعی بیر تشکیلات صفتیده قید ایتیلگن و ایکی ییلدن بویان فعالیت قیلماقده.
جمهورلیک ریاستی بیرینچی اورین باسری امرالله صالح، ژنوا ییغینیده نماینده‌لر کینگشی اعضالرینی فساد گه عیبلگن بیر حالده، اوشبو صحبت‌لر بیان قیلینه‌دی.
