او شعر یازیش بیلن عمری نینگ قیین کونلرینی شیرین‌لیککه اوزگرتیره‌دی. فکری و هوشی شعر بیلن باغلیق بولیب و حیات‌نی شعرسیز تصور قیله آلمه‌یدی. «شعرسیز حیات نینگ امکانی یوق. بیر کیشی قنده‌ی قیزیققن آوقت یا-ده سیوگنی کییم و رنگ‌دن قوللنیش نی ایسته‌گنی کبی، شعر هم شو رقم دیر. حیات‌نی شعرسیز تصور قیلیب بولمه‌یدی و انسان حیات کیچیره آلمه‌یدی.»
بلخ ولایتی‌ده‌گی یاش عیاللردن هجران یوسفی، ۱۰-صنف اوقووچیسی بولگنی پیتده، شعر یازیش گه یوز کیلتیرگن. مذکور یاش شاعر نینگ اوشه پیتلرده یازگن شعرلری، کوپراق کونده‌لیکلر و آی‌لیکلرده چاپ بولگن.
هجران یوسفی نینگ شعرلریده کوپراق وطن‌پرستلیک تویغوسی، آته-آنه گه محبت، محبت و شکایت کوپراق نمایان بوله‌دی.
بیزلرنینگ «ایکس» ترماغی ده هم تعقیب قیلینگ!
«سروهای پژمرده» اوشبو بلخ‌لیک شاعر نینگ شعر توپلمی دیر که تقدیمات مراسمی جمعه کونی، ۲۷-میزان، بلخ مرکزی مزارشریف شهریده اوتکزیلگن. مذکور منظوم اثر ده ۵۰ دن آرتیق شعر غزل و دوبیتی قالبی‌ده یازیلیب، ۵۶ صحفه‌ده و ۱۰۰۰ نسخه‌ده چاپ بولگن. بانو یوسفی گه کوره، تاغه‌سی نینگ قیزی و اوغلی مالی حمایتی بیلن، بیرینچی اثری نی ۱۴۰۲-ییل حوت آیی‌ده چاپ قیله آلگن که بیر قطار قیین‌چیلیکلر سبب، کوپینچه وقت‌دن کیین جمعه کونی تقدیمات مراسمی اوتکزیلگن.
او بو اثرنی چاپ قیلگنی‌دن مقصدینی بو رقم دیب بیان قیله‌دی: «یوره‌گیم‌ده بولگن موضوع و دردنی، برچه کیشی نینگ بیلیشی و فایده‌لنیشینی ایسته‌دیم. مینی یوره‌گیم‌ده بولگن موضوع‌‌دن برچه کیشی نینگ آگاه بولیشی و اونی اوقیشینی ایسته‌دیم.»
بانو یوسفی، اثری نینگ چاپ بولگنی اوچون خورسند دیر؛ بیراق مملکت ده عیاللر برابریده بولگن حاضرگی چیکلاولر سبب، بیرینچی اثری نینگ تقدیمات مراسمی گه شرکت قیله آلمه‌گنی‌دن ناراحت کوریله‌دی.
هجران یوسفی نینگ ایتیشیچه: «یالغیز آته و ایناغه‌نگ شرکت قیله آله‌دی و اوزینگ کیله آلمه‌یسن دیدیلر. اثریم نینگ تقدیمات مراسمی گه باره آلمه‌یمن دیب کوپ ناراحت بولدیم. نقد بولگنی‌ده یازووچی نینگ حضوری بولیشی و قیین‌چیلیکلرنی بیلیشی کیره‌ک ایدی. تقدیمات مراسمی اوتکزیلگنی‌دن خورسند‌مین؛ بیراق حضوریم بولمه‌گنی‌دن ناراحت‌‌مین.»
بو اثر نینگ چاپ بولمه‌گنی‌دن آلدین، هجران یوسفی نینگ مکتب اوقووچیسی بولگن دورده‌گی اوچ‌ده شعری، «ستارگان دانش» اسملی کتاب‌ده، «فاطمه‌ی بلخی» مکتبی نینگ لایق اوقووچیلری یازگن توپلم‌ده نشر ایتیلگن.
شعر یازیش، هجران یوسفی حیاتی نینگ بیر قسمی گه ایلنگن که حتا ایش ییری‌ده بولگنی و ایش بیلن شغللنگنی پیتده هم یوره‌گی‌ده‌گی نرسه‌لرنی یازه‌دی. «شعر یازیش نینگ مخصوص بیر حسی بار، یعنی قنده‌ی که آچ قاله‌سین و آچ قالگنینگ پیتده نرسه تاپیب ییش اوچون تلاش قیله‌سین. شعر یازیش هواسی کیلگنی‌ده باشقه هیچ نرسه گه توشینه آلمه‌یمن. حتا مکتب‌ده بولگنیم‌ده باله‌لر نینگ یره‌مزلیک قیلیشلری چاغیده، بیر دقیقه آرام بولینگلر مین بیر نرسه یازه‌من دیه‌من.»
بیزلرنینگ فیسبوک صحیفه‌میزگه باش اورینگ!
بانو یوسفی نینگ ایشانچی گه کوره، ییگیت‌لر آره‌سیده مطالعه فرهنگی رواجلنمه‌گنی، حمایتی برنامه‌لر نینگ یوقلیگی، ضعیف اقتصادی وضعیت و مالی حمایت یوقلیگی، مملکت‌ده‌گی شاعرلر نینگ اساسی قیین‌چیلیکلریدن دیر. شونینگدیک او، بلخ ده یازووچیلر انجمنی و قلم افغانستان انجمنی عضویتی گه ایگه دیر؛ لیکن مذکور انجمنلر نینگ ییغیلیشلری گه شرکت قیله آلمسلیک‌دن شکایت قیله‌دی.
اونینگ کوپه‌یتیریشیچه: «حاضر شعر یازه‌دیگن، مطالعه قیله‌دیگن و یازووچیلیک قیله‌دیگن قیزلر گه شونچه هم فرصت یره‌تیلسه که اولر انجمنلر آچسه‌لر. قیزلر شرکت قیلسه‌لر که ایشلری صفتی یخشی بولیشی اوچون استادلر آرقه‌لی شعرلری نقد بولسه. شونینگدیک آرزو قیله‌من که مکتبلر آچیلسه و آرزولری بولگن قیزلردن برچه‌سی، آرزولری گه ییتیشسه‌لر.»
بانو یوسفی، شاعرلر و یازووچیلر اوچون حمایتی برنامه‌لر یوقلیگی‌دن شکایت قیله‌دی. او سرپرست حکومت‌دن یازووچیلر ایشی صفتی یوقاری کیتیشی اوچون حمایتی برنامه‌لر نینگ یولگه قوییلیشی و شونینگدیک عیاللر گه یازووچیلیک انجمن‌لری‌گه شرکت قیلیشلری اوچون رخصت بیریلیشی نی ایسته‌‌یدی.
قوییده هجران یوسفی نینگ «سروهای پژمرده» شعری توپلمی‌ده‌گی یازگن شعرلری نمونه‌لرینی بیرلیکده اوقه‌میز:
دلیل شادمانی است مادر
امید و زندگانی است مادر
در آغوشش دلم آرام گیرد
رفیق و مهربانی است مادر
………………………………
پدر قربان غم‌هایت شوم من
فدای خسته‌گی‌هایت شوم من
جدایی بین ما یک عمر مانده
فدای بی‌کسی‌هایت شوم من
