قندوز ایکینچیلیک، سووغاریش و چاروه‌چیلیک ریاستی مسئوللری نینگ ایتیشلریچه، اوشبو ولایت بلدیه چمنی‌ده یولگه قوییلگن ایکی کونلیک ایکینچیلیک محصولاتی و قول صناعتی کورگزمه‌سیده، باغ‌دارلر، ایکینچیلر و چاروه‌چیلر ۸۰ غرفه‌ده تولیدلری و محصوللرینی نمایش گه قویگنلر.
قندوز ایکینچیلیک، سووغاریش و چاروه‌چیلیک باشلیغی امان‌الله حسن نینگ ایتیشیچه: «اوشبو کورگزمه سوداگرلر، دهقانلر، چاروه‌چیلر و قول صناعتی محصوللری نینگ ساتیلیشی و اولر نینگ ترغیب بولیشی اوچون یولگه قوییلگن. شو رقم اولر نینگ تولیدلری نی اهالی کوریب و اولر گه بازار تاپیش زمینه‌سی یره‌تیلسین.»
شونده‌ی بیرحالده، «راه نوین» اجتماعی و ترقیاتی موسسه‌سی نینگ زراعتی پروژه مدیری نورالاحسان حسینی، اوشبو کورگزمه نینگ یولگه قوییلگنی‌دن مقصد، ایکینچیلردن حمایت قیلیش، ایچکی محصولات رواجلنیشی و اولر نینگ تانیشتیریلیشی عنوان قیلگن.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه: «اوچ بولیم‌ده ایشله‌یمیز، سوت محصولاتی، زعفران و شونینگدیک سبزه‌وات دیر. بوگون کوره‌سیز که محصوللرینی نمایش گه قوییب و خوشبختانه جوده‌یم یخشی محصوللری بار.»
اوشبو کورگزمه گه شرکت قیلگنلردن بیری اسد‌الله نینگ ایتیشیچه، حاضرگی شرایطده بو کبی کورگزمه‌لر نینگ یولگه قوییلیشی اولر نینگ تولیدلری گه بازار تاپیلیشی خصوصیده زمینه یره‌ته‌دی. «بو کبی کورگزمه‌لر نینگ هر بیر ولایت و مرکز‌ده یولگه قوییلیشی یخشی بیر ایش دیر. بیزلر کورگزمه‌لر نینگ یولگه قوییلیشی‌دن خبر بولیب و قندوز محصوللری نی آلیب بارسه‌ک که اهالی کورسه و اولر گه بازار تاپیلسه.»
مذکور کورگزمه گه شرکت قیلگنلردن باشقه بیری و ۱۰ ییل‌دن بویان خانگی محصولات نینگ ایشلب چیقریلیشی بیلن شغللنگن وژمه، قندوز ایکینچیلیک ریاستی‌دن عیال‌لر نینگ قوللب قوتلنیشی نی ایسته‌گن. وژمه نینگ ایتیشیچه: «قنددوز ولایتی ایکینچیلیک ریاستی و بو بولیم‌ده فعالیت قیله‌دیگن دفترلردن عیال‌لر نینگ قوللب-قوتلنیشی، اولر گه بو توغریده تعلیم بیریلیشی و شونینگدیک عیال‌لر ظرفیتلرینی آشیریلیشلری اوچون کورگزمه‌لر یولگه قوییلیشینی ایسته‌گن.»
باشقه بیرتاماندن، ایکینچیلیک و قول صناعتی کورگزمه‌سیدن کوریب چیققنلردن قطاری، مذکور کورگزمه نینگ یولگه قوییلگنی‌دن خورسند‌لیک قیلیب و محلی مسئوللریدن، ایچکی تولید‌لر رواجلنیشی اوچون کوپینچه کورگزمه‌لر نینگ یولگه قوییلیشینی ایسته‌‌گنلر.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، اوشبو کورگزمهدن کوریب چیققن فاطمه نینگ ایتیشیچه: «حقیقتا بو ییرده کورگنیمیز محصوللر نی حاضرگچه شهر گه کورگنیمیز یوق ایدی و بو کورگزمه‌ده اوشه ییرده تولید بولیب و اوشه ییرده قاله‌دیگن قول صناعتی و محصوللر نی کوردیک.»
شونینگدیک بو کورگزمهدن کوریب چیققنلردن باشقه بیری محمد‌الله نینگ ایتیشیچه: «کوپینچه عیال، تورلی‌خیل صفتلی و یخشی محصوللرنی کیلتیرگن ایدیلر. جوده‌یم خورسند بولدیم. اوشبو کورگزمهدن مین هم کوریب چیقدیم و بوکبی کورگزمه‌لر نینگ کوپراق یولگه قوییلیشینی ایسته‌مین.»
ایتیش کیره‌ک که، اوتگن ییل هم قندوز ایکینچیلیک ریاستی «راه نوین» اجتماعی و ترقیاتی موسسه‌سی همکارلیگی‌ده، ایچکی تولید‌لردن حمایت قیلیش مقصد اوشبو ولایت‌ده ایکینچیلیک محصولاتی کورگزمه‌سینی یولگه قوییگن ایدیلر.
