سونگی کون‌لر ایران و پاکستان دن مملکت گه قیتریلگن قاچقین‌لردن قطاری، حیات قیینچیلیکلری و ایش زمینه‌سی یوقلیگی‌دن شکایت قیله‌دیلر.
شونده‌ی بیرحالده، نیچه آی آلدین ایران و پاکستان دن مملکت گه قیتریلگن قاچقین‌لردن عبدالرحمان و فیروز نینگ ایتیشلریچه، حاضرگچه ایش تاپه آلمه‌گنلری سبب، قیین‌چیلیک بیلن روپه‌ره بولیب و حیات خره‌جتلری نی تامین‌لش گه کوچلری ییتیشمه‌یدی.
ایکی آی آلدین ایران دن مملکت گه قیتگن قاچقین‌لردن عبدالرحمان نینگ ایتیشیچه: «عایله‌ده آلتی کیشی‌میز، مملکت‌دن چیقریلگنیم‌دن کیین، ایش ایگه‌م حتا قونقیراغلریم نی جواب بیرمه‌یدی، پولم قالگن. هیچ ایش یوق. گادی آلدیم و شو ۲۰ روپیه بیلن حیاتی‌میز نی اوتکزه‌میز.»
شونینگدیک ۳ آی آلدین پاکستان دن مملکت گه قیتگن قاچقین‌لردن فیروز نینگ ایتیشیچه: «اسلام امیرلیگی یا-ده نهاد‌لر نینگ بیرگن پولی خلاص بولدی. ایش یوق. ایش‌سیزلیک دیر. باله‌لریمیز تقدیر‌سیز بولیب و مکتب یوق، امکانیتی‌میز هم یوق.»
بیزلرنینگ «ایکس» ترماغی ده هم تعقیب قیلینگ!
مملکت گه قیتریلگن قاچقینلر، اسلام امیرلیگی سرپرست حکومتی‌دن اولر گه ایش زمینه‌سی یره‌تیلیشی نی ایسته‌گنلر.
عین حالده، هرات قاچقینلر ریاستی و تورخم چیگره یولی مسئوللری نینگ ایتیشلریچه، کونده اونلب عایله ایران و پاکستان دن مملکت گه قیته‌دی.
هرات قاچقینلر ریاستی نینگ چیگره ایشلری بوییچه آمری عبدالله قیومی نینگ ایتیشیچه: «کونده ۱۵۰۰-۱۶۰۰ کیشی قیته‌دی، قریب ۴۵ مینگ-۵۰ مینگ کیشی جدی آیی‌ده مملکت گه قیتگن. کونده ۳۰-۴۰ عایله قیته‌دیلر. مملکت گه قیته‌دیگنلر بیلن اسلام امیرلیگی آرقه‌لی همکارلیک بوله‌دی.»
شونینگدیک تورخم معلومات و مدنیت ریاستی مسئولی عرفات مهاجر نینگ ایتیشیچه: «اوشبو قتناو یول‌دن کونده ۲۵ عایله قیته‌دی، بو پروسه اوتمیش گه قره‌گنده کمه‌یگن. میزان آیی‌دن ۲۵ جدی گه قدر ۳۸ مینگ عایله مملکت گه قیتگن. توپلم شکلده ۴ یوز مینگ کیشی گه ییتیشه‌دی. اسلام امیرلیگی آرقه‌لی اولر گه خذمتلر ارائه بوله‌دی. هر بیر عایله گه ۱۰ مینگ افعانی بیریله‌دی.»
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتی نینگ آسیا بوییچه کمیشنری باشلیغی کیونگ جون اوتگن کون اسلام امیرلیگی باش وزیرلیگی نینگ سیاسی اورین‌باسرلیگی بیلن اوچره‌شگنی‌ده مملکت گه قیتگن افغانستان‌لیک قاچقینلر وضعیتی‌دن خواطر بیلدیریب، قاچقینلر گه ایش زمینه‌سی یره‌تیلیشی اوچون خلق‌ارا نهاد‌لر همکارلیگی نی ایسته‌گن.
ارگ کیونگ جون دن نقل قیلیب ایکس صحیفه‌سیگه یازیشیچه: «بیرلشگن ملتلر تشکیلاتی نینگ آسیا بوییچه کمیشنری باشلیغی ایتدی که، جینوا نینگ کیله‌سی ییغینی‌ده گزارشی نی ارائه قیلیش بیلن، افغانستان‌لیک قاچقینلر گه کوپراق یاردم بیریلیشی نی ایسته‌ب و افغانستان ده‌گی موجود حقیقت‌لر نی شریک قیله‌دی. خانم جون قاچقینلر و آواره‌لر گه ایش زمینه‌سی یره‌تیلیشی اوچون ایچکی و تشقی نهاد‌لر نینگ آستقورمه لایحه‌لر گه دخیل بولیشلری گه نیاز بارلیگی نی بیان قیلدی.»
شونینگدیک ارگ صحیفه‌سیده، اسلام امیرلیگی باش وزیرلیگی سیاسی اورین باسری محمد عبدالکبیر‌دن نقل قیلینیب کیلیشیچه، افغانستان ده قشاق‌لیک، ایش‌سیزلیک و آچرچیلیک قیین‌‌چیلیگی حلی اوچون کوپینچه زمان وخلق‌ارا تیکشلات‌لر نینگ همکارلیگی گه نیاز بار.
ایتیش کیره‌ک که، قاچقینلر وزیرلیگی قاچقینلر قیین‌‌چیلیگی حلی و اولر گه ایش زمینه‌سی یره‌تیلیشی اوچون برنامه‌لری خصوصیده اسلام‌امیرلیگی سوراق‌لری گه جواب بیرمه‌گنی بیرحالده،؛ بیراق بوندن آلدین کیله‌سی قویاش ییل‌ده اوشبو وزیرلیک آرقه‌لی قاچقینلر گه ایش زمینه‌سی یره‌تیلیشی نی اَیتگن ایدی.
