کنر ولایتی نینگ اوزاق تومن‌لریده‌گی چاروه‌دارلردن قطاری قوروق‌چیلیک و چاروه‌لری نینگ باقیش اوچون ییلاو آزلیگی‌دن شکایت قیلیب ایتیشلریچه، سونگی اوچ ییل جریانیده‌گی قوروق‌چیلیکلر و سووتاشقین‌لر مذکور تومن‌لرده‌گی قریب برچه ییلاو نی اورته‌دن کیتکزیب و چاروه‌لریگه زیان ییتیشتیرگن.
اوشبو ولایت نینگ «خاص کنر» تومنی یشاوچیسی و چاروهچیلیک نی بابالری‌دن ارث گه آلگن علیم‌الله نینگ ایتیشیچه، قوروق‌چیلیک و ییلاو یوقلیگی سبب، چاوره‌لریدن کوپ قطاری نینگ ساتیش گه مجبور بولگن.
اونینگ کوپه‌یتیریشیچه: «کوپینچه چاروه‌لریمیز بار ایدی؛ بیراق قورق‌چیلیک، ییلاولر نی اورته‌دن کیتگنی و ییم یوقلیگی سبب، چاروه‌لریمیزدن کوپ قطاری نی ساتدیک. دولت آرقه‌لی بو قیینچیلیک نینگ حل بولینیشی نی کوتیب تورگن‌میز که چاروه‌دارلر چاروه‌لری نینگ ساتیش گه مجبور بولمه‌سینلر.»
بیزلرنینگ «ایکس» ترماغی ده هم تعقیب قیلینگ!
کنر ولایتی «مانوگی» تومنی‌ده‌گی چاروه‌دارلردن گلاب نینگ ایتیشیچه، چاروه‌لری اوچون ییلاو یوق دیر؛ چونکه قوروق‌چیلیک و سوو تاشقینلر نتیجه‌سیده ییلاولردن کوپ قطاری اورته‌دن کیتگن.
مذکور چاروه‌دارلر نینگ کوپه‌یتیریشیچه: «اوتگن ییل‌لرده جمعیت آز و چاروهلر اوچون ییلاو کوپ ایدی؛ حاضر ایسه ییلاولردن قطاری ایکینچیلیک ییر گه اوزگریب و بیر قطاری ایسه قوروق‌چیلیک یا-ده سوو تاشقینی طفیلی ویران بولگن و چاروهلر نی سقلش اوچون هم هیچ جا قالمه‌گن. دولت بیزلر گه یاردم بیریشی کیره‌ک.»
مذکور چاروه‌دارلر نینگ کوپه‌یتیریشلریچه، چاروهلر نی سقلش اوچون ییلاو آزلیگی، اولر نی قیین‌چیلیکلر بیلن روپه‌ره قیلیب و سرپرست حکومت بو قیینچیلیک نی حل قیلیشی کیره‌ک.
باشقه بیر تاماندن کنر ایکینچیلیک، سووغاریش و چاروهچیلیک ریاستی نینگ چاروهچیلیک کلینیک آمری گل‌رحمان حنان‌زی، اوشبو ریاست آرقه‌لی چاروه‌دارلر قیین‌چیلیگی حل بولینیشی خصوصیده ایشانچ بیرگن. اونینگ کوپه‌یتیریشیچه، اوتگن ییل کنر ولایتی تومن‌لریدن قطاری‌ده چاروه‌دارلر گه آذوقه ترقه‌تیلگن دیر. «اوتگن ییل ۱۴۵ مینگ دوز لمپی اسکین واکسینی تطبیق و باشقه بیر قطار کسل‌لیکلر واکسینی ایسه ترقه‌تیلگن. چاروه‌دارلیک نسلی یخشی‌لنیشی اوچون ایشله‌گن‌میز و بو ریاست نینگ فنی تیمی کسل‌لیکلر برابریده ایشله‌یدی.»
بیراق ایکینچیلیک و چاروهچیلیک بوییچه ایش بیلرمانلریدن قطاری نینگ ایتیشلریجه، کنر ده چاروه‌دارلر قیین‌چیلیگی حل بولمه‌گنی صورتده، اوشبو ولایت‌ده چاروهچیلیک نینگ اورته‌دن کیتیشی ممکن.
چاروهچیلیک ایشلری بوییچه ایش بیلرمانی احمد جبار‌خیل نینگ ایتیشیچه، کنر ده چاروهچیلیک نینگ رواجلنیشی اوچون ییلاولر ایجاد بولیب و ستندرد چاروهچیلیک اصوللری حقیده چاروه‌دارلر گه معلومات بیریلیشی کیره‌ک. اونینگ کوپه‌یتیریشیچه: «ایکینچیلیک و چاروهچیلیک مملکت اقتصادی خصوصیده اساسی رولی بار؛ اونینگ بیر قسمتی هم اورته‌دن کیتسه، اقتصاد گه زیان ییتیشتیره‌دی و چاروه‌چیلر زیان کوره‌دی. انه شوو سبب دهقانلر قیین‌چیلیگی نینگ بوتونلی شکلده درک بولیب و اولر گه حل یول تاپیلیشی کیره‌ک.»
کنر ایکینچیلیک، سووغاریش و چاروهچیلیک ریاستی آرقه‌لی ارائه بولگن معلومات اساسیده، مذکور ولایت یشاوچیلریدن کمیدده ۸۰ فایزی ایکینچیلیک و چاروهچیلیک بیلن شغللنیب و بو یول آرقه‌لی عایله نیازلری نی تامین قیله‌دیلر.
شونده‌ی بیرحالده، اقتصادی مسئله‌لر بیلرمان‌لری چاروهچیلیک نی افغانستان و عایله‌لر اقتصادی رواجلنیشی اوچون اونملی دیب و اورغولشلریچه، بو بولیم‌ده جدی شکلده توجه قره‌تیلیشی کیره‌ک.
بیزلرنینگ فیسبوک صحیفه‌میزگه باش اورینگ!
اقتصادی مسئله‌لر بیلرمانی اسد‌الله احمدزی نینگ ایتیشیچه، چاروهچیلیک و چاروه‌دارلیککه توجه قره‌تیلمه‌گنی صورتده، افغانستان ایچکی بازارلری سوت محصوللری، یونگ و گوشت محصولاتی نی قولدن بیریشی ممکن.
اونینگ کوپه‌یتیریشیچه: «دولت تامانیدن چاروهچیلیک رواجلنیشی کوپ مهم دیر؛ چاروه‌چیلر گه تورلی‌خیل یاردم ارائه بولیب و چاروهلر کسل‌لیکلری اوچون اولر گه دارو بیریلیشی کیره‌ک؛ بولر گه علاوه اولر گه ییلاولر هم یره‌تیلیشی کیره‌ک.»
افغانستان نیچه ییل‌دن بویان کیت‌مه-کیت قوروق‌چیلیک نی تجربه قیلماقده؛ لیکن بیر قطار ولایت‌لرده قیش موسمی و اوتگن کون‌لرده‌گی یاغینگرچیلیکلر، دهقانلر و چاروه‌دارلر نینگ خورسند‌لیگی گه سبب بولگن.
