بوگون (دوشنبه، ۱۵-جوزا/۵-جون)، خلق‌ارا اطراف-محیط کونی گه ماس دیر. اطراف-محیط نی سقلش ملی اداره‌سی، بوگون بیر برنامه آرقه‌لی «پلاستیک افلاسلیگی گه قرشی کوره‌ش» شعاری بیلن خلق‌ارا اطراف-محیط کونی نی نشانلگن.
اوشبو برنامه‌ده اطراف-محیط نی سقلش ملی اداره‌سی نینگ عمومی رئیسی حافظ عزیز‌الرحمان نینگ ایتیشیچه، هوا اوزگریشی، قوروق‌چیلیک، سوو تاشقین‌لر و پلان‌سیز شکلده توزه‌تیلگن بنا‌‌لر، اطراف-محیط نینگ افلاسلنیشی گه سبب بولگن اصلی عامل‌لریدن دیر.
او مملکت صناعت‌چیلریدن حد‌دن تشقری پلاستیک‌لر نینگ قوللنیشی‌دن توسیق بولیش‌لری نی ایسته‌گن. اطراف-محیط نی سقلش ملی اداره‌سی نینگ عمومی رئیسی نینگ کوپه‌یتیریشیچه: «صناعتچیلر و فابریکه مسئوللریدن ایکی یوز تیپ پلاستیکی جنس‌لر آره‌سیدن پلاستیکی کیسه‌لر قوللنیشی‌دن تدریجی شکلده توسیق بولیش‌لری نی ایسته‌یمیز و شونینگدیک اونینگ اورنیده قاغازی خلته‌لردن قوللنسین‌لر.»
بیزلرنینگ فیسبوک صحیفه‌میزگه باش اورینگ!
عین حالده، ساغلیق نی سقلش وزیرلیگی مسئوللری پایتخت‌ده هوا افلاسلیگی کوپه‌یگنی‌دن خواطر بیلدیریب و ایتیش‌لریچه، هوا افلاسلنیشی یشاوچیلر آره‌سیده سرطانی کسل‌لیک‌لر گه سبب بوله‌دی.
ساغلیق نی سقلش وزیرلیگی سرپرستی قلندر عباد نینگ ایتیشیچه، اوتگن قیش موسومی‌ده میلیون‌لرچه باله، هوا افلاسلیگی نتیجه‌سیده تنفسی کسل‌لیک‌لر گه چیلینگن. جناب عباد نینگ کوپه‌یتیریشیچه: «اوتگن قیش موسومی‌ده، هوا افلاسلیگی نتیجه‌سیده میلیون‌لرچه باله تنفسی کسل‌لیککه چلیندی.»
شونده‌ی بیرحالده، پایتخت یشاوچیلریدن قطاری مملکت یشاوچیلریدن اطراف-محیط نینگ سقلش خصوصیده سهم آلیش‌لری نی ایسته‌گنلر.
کابل یشاوچیسی بولمیش امان احمدزی نینگ اییتیشیچه، اهالی اطراف-محیط نینگ سقلش خصوصیده سعی و حرکت قیلیشی کیره‌ک.
احمدزی نینگ کوپه‌یتیریشیچه: «برچه اهالی نینگ شهر پاک‌لیگی خصوصیده سهم آلیشی کیره‌ک و بو ایش یالغیز دولتی گه تیگیشلی ایمس، بلکیم برچه اهالی گه تیگیشلی دیر.»
بیزلرنینگ توییترده هم تعقیب قیلینگ!
شونینگدیک کابل بلدیه‌سی ایشلاوچیسی عبدالهادی، یشاوچیلردن حد‌دن تشقری پلاستیکی خلته‌لردن قوللنمه‌یشلری نی ایسته‌گن. «بوتون شهر گه پلاستیک تشله‌نگن. پلاستیک‌لر نینگ کویگنی صورت‌ده برچه اهالی گه زیان ییتیشتیره‌دی. پلاستیکی خلته‌لردن قوللنیلمه‌ی، اونینگ اورنیده قاغازی خلته‌لردن قوللنیلیشی کیره‌ک.»
ایتیش کیره‌ک که، بوگون بیرلشگن ملت‌لر تشکیلاتی نینگ هیئت دفتری یا-ده یوناما، خلق‌ارا اطراف-محیط کونی مناسبتی بیلن، قندهار ولایتی‌دن پلاستیکی خلته‌لردن فایده‌لنیش گه قرشی کوره‌ش کمپاینی نی باشله‌ب، افغانستان نینگ باشقه دفتر‌لریده هم دوام بیریلیشی نی بیان قیلگن.
شونینگدیک بیرلشگن ملت‌لر تشکیلاتی نینگ باش کاتبی آنتونیو گوترش، اطراف-محیط افلاسلیگی کوپه‌یشی‌دن خواطر بیلدیریب و اوشبو کون مناسبتی بیلن بیر پیغام آرقه‌لی، هر کون ایکی مینگ کامیون گه تینگ پلاستیک چیقیندیلر نینگ، اکین‌لر، کول‌لر و دریالر گه توکیلیشی نی بیان قیلگن.