اوتگن کون روسیه جمهوررئیسی ولادیمیر پوتین تورکمنستان جمهوررئیسی سردار بردی محمد‌اف بیلن اوچره‌شیب ایتگن که، روسیه بیر قطار مملکت‌لر اینقسه آمریکا، چین، هند، ایران و پاکستان بیلن افغانستان آستقورمه‌لری نی قیته قوریش اوچون تیارلر.
روسیه جمهوررئیسی نینگ کوپه‌یتیریشیچه، افغانستان ده آمریکا و متحدلری نینگ ۲۰ ییل‌لیک حضوری گه قره‌گنده، افغانستان نینگ آستقورمه‌لرینی قیته قوریش آمریکا نینگ اصلی مسئولیتی دیر. پوتین نینگ اورغولشیچه، افغانستان منطقه‌یی لوژیستکی و آستقورمه پروژه‌لر گه شامل بولیشی کیره‌ک.
بیزلرنینگ توییترده هم تعقیب قیلینگ!
پوتین نینگ ایتیشیچه: «بیز تورکمنستان و باشقه شریک‌لریمیز جمله‌دن مسکو فارمتی اساسیده، هند، ایران، آمریکا، چین و پاکستان بیلن افغانستان قیته قوریلیشی اوچون ایشی‌میز گه دوام بیریش خصوصیده تیار‌میز.»
شونده‌ی بیرحالده، سیاسی ایش بیلرمان‌لردن قطاری نینگ ایتیش‌لریچه، افغانستان‌دن آمریکا نینگ چیقگنیدن کیین، مسکو افغانستان گه ایجابی تمایل کورستماق اوچون سعی و حرکت قیلماقده.
سیاسی ایش بیلرمان‌لردن بیری جبار اکبری نینگ ایتیشیچه، پوتین افغانستان نینگ برچه تامان‌لری نی درک قیلگن که، افغانستان‌دن آمریکا و متحدلری نینگ چقگنیدن کیین، اوشبو مملکت گه یاردم بیریشی ممکن.
عین حالده، اسلامی امارت افغانستان خصوصیده کرملین صحبت‌لری نی ایجابی آدیم عنوان قیلگن. اسلامی امارت سوزلاوچیسی نینگ اورین‌باسرلریدن بلال کریمی نینگ سلام‌وطندار گه ایتیشیچه، افغانستان گه یاردم بیریش دنیا جماعه‌چیلیگی نینگ مسئولیتی دیر. اونینگ کوپه‌یتیریشیچه، دنیا مملکت‌لری تینچلیک و دیپلماتیک یولی آرقه‌لی افغانستان ایچیده سرمایه یاتقیزیش‌لری ممکن.
بیزلرنینگ فیسبوک صحیفه‌میزگه باش اورینگ!
کریمی نینگ ایتیشیچه: «افغانستان اوچون چیقریلگن سیس‌لر، یخشی بیر آدیم دیر. اسلامی امارت مملکت‌لردن اوتمیش ۲۰ ییل توپلم اولاراق ۴۳ ییل قیین‌چیلیک‌لری نی جبران بولیشی اوچون، افغانستان خصوصیده اقتصاد گه یونلتیریلگن بیر سیاسیت گه ایگه بولیش‌لری نی ایسته‌یدی.»
افغانستان ده اسلامی امارت نینگ قدرت گه ایریشگنیدن کیین، افغانستان قیته قوریلیشی خصوصیده حاضرگچه هیچ بیر مملکت عکس‌العمل کورستمه‌گنی بیرحالده، افغانستان خصوصیده ولادیمیر پوتین نینگ بیاناتی مطرح بولگن.
