روسیه جمهور باشلیغی ولادیمیر پوتین، اوکراین بیلن اوچ ییل اوروشدن کیین، ۱۵-می ده بو مملکت بیلن توغریدن توغری مذاکرهلر اوتکزیلیش تکلیفینی بیرگن.
او، بوگون ایرتهلب (۲۱-ثور، یکشنبه)، مذکور اوچرهشوولرنینگ اوتکزیلیشیدن مقصد، برقرار تینچلیککه ایریشیش و اوروشنینگ اساسی سببلرینی برطرف ایتیش دیگن. پوتیننینگ اورغولشیچه، کییف شرطسیز شکلده مسکو بیلن توغریدن توغری مذاکره قیلیشی کیرهک.
بیزلرنینگ «ایکس» ترماغی ده هم تعقیب قیلینگ!
بو توغریده اوکراین رسمیلری حاضرگچه هیچ قندهی عکسالعمل بیلدیرمهگن.
روسیه جمهور باشلیغینینگ بوتوغریده ایتیشیچه: «کییف گه شرطسیز شکلده مسکو بیلن توغریدن توغری مذاکرهلرنینگ قیته باشلهشینی تکلیف بیرهمیز. اوکراین رسمیلریدن پنجشنبه کونیدن مذاکرهلرنینگ استانبول ده باشلهشینی ایستهیمیز.»
بیزلرنینگ فیسبوک صحیفهمیزگه باش اورینگ!
شونینگدیک پوتین بوگون تورکیه جمهور باشلیغی رجب طیب اردوغان بیلن اوشبو مملکتنینگ مذاکرهلرنی آسانلشتیریشدهگی اورنی حقیده صحبتلشنی بیان قیلگن. اونگه کوره، مذاکرهلرنینگ آتیش کیسین گه سبب بولیشی ممکن.
بوندن آلدین، امریکا مسکو و کییف گه بیر آیلیک آتیش کیسین تکلیفینی اوزهتگن ایدی که روسیه تامانیدن رد بولگن. اوتگن کون کرملین سوزلاوچیسی، اوکراین گه غربنینگ حربی یاردملری توختهتیلگنیده، آتیش کیسین صورت تاپیشی ممکن دیگن ایدی.
