روسیه جمهور باشلیغی ولادیمیر پوتین، یقین هفته‌لرده شمالی کوریا و ویتنام گه سفر قیلیشی کوتیله‌دی.
روسیه یېتکرمه‌لری ۱۰-جون، دوشنبه کونی اوشبو مملکت رهبری یقین هفته‌لر ایچیده مذکور مملکت‌لر گه سفر قیلیشی ممکن دیب خبر بیرگن.
رویترز، رسمی بیر مقام دن نقل قلیب پوتین شمالی کوریا و ویتنام گه ۱۹ و ۲۰ جولای سفر قیلیشی ممکن لېکن حاضرگه قدر قطعی بولمه‌گنینی معلوم قیلگن.
بیزلرنینگ فیسبوک صحیفه‌میزگه باش اورینگ!
شمالی کوریا ده روسیه ایلچیسی، پوتین نینگ پیونگ‌یانگ گه سفری اوچون دستلبکی تیارگرلیک‌لر کوریلماقده بیراق بو سفر نینگ وقتی و مقصدی حاضرگه قدر اعلام بولمه‌گنینی اېتگن.
شمالی کوریا رهبری کیم جونگ اون، ۲۰۲۳-ییل سپتمبر آی ده روسیه گه قیلگن سفری ده، اوشبو مملکت جمهور باشلیغی ولادیمیر پوتین دن شمالی کوریا گه سفر قیلیشینی تکلیف قیلگن اېدی.
بیزلرنینگ «ایکس» ترماغی ده هم تعقیب قیلینگ!
ایتیش کېره‌ک، روسیه اوکراین گه حربی هجوم قیلگچ، بو ایکَی مملکت تورلی ساحه‌لرده اۉز همکارلیک‌لرینی کوچه‌یتیرگن.
روسیه جمهورلیک ریاستی سیلاوی گه غلبه قازانیشیدن سۉنگ بو پوتین نینگ تورتینچی خارجی سفری حسابلنه‌دی، او بوندن آلدین چین، بلاروس، اۉبېکستان گه سفر قیلگن اېدی.