طبیعی آفتلرنی باشقریش ملی اداره مسئوللری، آلتی ولایتده اوتگن بیر کیچه-کوندوز ایچیده یوز بیرگن سوو تاشقینلری عاقبتیده، ایککی کیشی قربان بولیب و باشقه بیش کیشی یرهلنگنیدن خبر بیرهدیلر.
طبیعی آفتلرنی باشقریش ملی ادارهنینگ اطلاعات و نشرات باشلیغی یوسف حماد گه کوره، اوشبو سوو تاشقینلریده، ۱۰۰ یشش اوی بوتونلی و قسمی شکلده بوزیلیب و قریب آلتی مینگ ۲۰۰ جریب ایکینچیلیک ییر یوق بولگن.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه: «طبیعی آفتلرنی باشقریش ملی اداره باغلیق نهادلر و ملی همده خلقارا موسسهلر یاردمی بیلن کابل، پنجشیر، خوست، لوگر، میدانوردک و لغمان ولایتلریده سروینی باشلهگن و دستلبکی معلوماتلر اساسیده اوتگن ۱۸ ساعت ایچیده ایککی کیشی هلاک بولیب و باشقه بیش کیشی یرهلنگن و ۱۰۰ یشش اوی بوتونلی و قسمی شکلده بوزیلگن همده قریب آلتی مینگ ۲۰۰ جریب ایکینچیلیک ییر یوق بولگن.»
شو بیلن بیرگه، بیرقطار عایلهلر، سونگی سوو تاشقینلریده کوپینچه ضرر کورگنلیکلرینی اېتهدیلر.
لوگر یشاوچیسی وحیدالله ساحل گه کوره: «اوتگن کون مرکز و لوگر تومنیده سوو تاشقینی یوز بیردی، اهالی گه کوپینچه ضرر یېتگن و بو سوو تاشقینلری عاقبتیده یشش اویلر و ایکینچیلیک ییرلر یوق بولگن.»
بیزلرنینگ «ایکس» ترماغی ده هم تعقیب قیلینگ!
اسلام امیرلیگی ترانسپورت و هوا یوللری وزیرلیگی هواشناسلیک ریاستی، مملکت ۱۴ ولایتیده احتمالی کوچلی یامغیر، چقماق، بوران و سوو تاشقینی یوز بیریشینی اېتگن.
اوشبو ریاست بیر بیانیه ترقهتیب نورستان، کنر، ننگرهار، کابل، لوگر، پکتیا، پکتیکا، خوست، میدانوردک، لغمان، کاپیسا، پروان، غزنی و زابل ولایتلریده احتمالی کوچلی یامغیر، شمال و سوو تاشقینی یوز بیریش احتمالی پیشبینلیک بولگنی حقیده آگاهلنتیرگن.
شونینگدیک مذکور ریاست، اوشبو ولایتلرنینگ تورلی منطقهلریده یامغیر یاغیش میزانینی ۱۰ دن ۳۵ ملی متر پیشبینلیک قیلگن.
اوتگن کون، چینده اسلام امیرلیگی ایلچیسی بلال کریمی، هیمالیا ترانس فرمی بیشینچی ییغیلیشیده، افغانستانده اقلیم اۉزگریشلری طفیلی ضررلر گه اشاره قیلیب، بوتوغریده جهانی قۉشمه همکارلیک بولیشینی طلب قیلگن.
