تورکیه دولت رهبری رجب طیب اردوغان، ۲۰ گروه لیدرلرینینگ ۱۹- ییغیلیشیده اشتراک اېتیش اوچون برازیل گه جونب کېتگن.
تورکیه آناتولی آژانسی، بوگون (۲۷-عقرب، یکشنبه) ایکس صحیفهسیده بیر بیانیه ترقهتیب، تورکیه دولت رهبری رجب طیب اردوغان، محلی وقت بیلن ساعت ۸:۴۳ ده خصوصی «CAN» اوچاغی بیلن برازیل گه جونب کېتگنینی اېتگن.
بیزلرنینگ فیسبوک صحیفهمیزگه باش اورینگ!
اردوغان جنابلرینی اوشبو سفرده، تورموش اورتاغی امینه اردوغان، تشقی ایشلر وزیری هاکان فیدان، مالیه وزیری محمد شیمشیک، جمهورلیک ریاستینینگ علاقهلر مدیری فخرالدین آلتون، جمهور باشلیغنینگ تشقی سیاست و خوفسیزلیک بوییچه باش مصلحتچیسی عاکف چغتای قیلیچ، آقپارتی باشلیغی اورین باسری و سۉزلاوچیسی عمر چیلیک و بعضی رسمیلر، همراهلیک قیلهدیلر.
بیزلرنینگ «ایکس» ترماغی ده هم تعقیب قیلینگ!
۲۰ گروه لیدرلرینینگ ۱۹-ییغیلیشی، برازیلنینگ «ریو دو ژانیرو» شهریده اوشبو میلادی ییلنینگ ۱۸ و ۱۹ نومبر/ ۲۸ و ۲۹-عقرب کونلری اۉتکزیلیشی ریجهلشتیریلگن.
بو ییغیلیشده، «عدالتلی دنیا و برقرار سیاره قوریش» مسئلهسی بحث گه آلینیشی اېتیلگن.
