هرات-خواف تیمیر یولی تورتینچی قطعه ایکینچی فازینینگ عملی ایشی اوشبو ولایتنینگ «رباط پریان» حدودلریده باشلندی.
فواید عامه وزیرلیگینینگ تیمیر یول بوییچه معینی محمداسحاق صاحبزاده گه کوره، هرات-خواف تیمیر یولی تورتینچی قطعه بیرینچی فازینینگ ایشی کېلهسی ایکی آی ایچیده توگهیدی.
هرات-خواف تیمیر یولی لایحهسی بوییچه مدیری مهندس عبدالقاهر بکتاشنینگ ایتیشیچه، اوشبو فاز ۴۷ کیلومتر اوزونلیکده و ۵۴ میلیون ۶۰۰ مینگ دالر عوضی گه «دهسرخ» حدودیدن باشلنگن و هرات صناعتی شهرچهسیگه قدر دوام تاپهدی.
هرات حاکمی نوراحمد اسلامجار، هرات-خواف تیمیر یولیدن هر کونی ۶۰ مینگ تُن آلیش-بیریش بولهدی و بو رقم ۱۰۰ مینگ تُن گه آشیریلیشی اوچون سعی-حرکت قیلینماقده دیېدی.
هرات-خواف تیمیر یولینینگ ۲۲۵ کیلومتر اوزونلیگی بولیب افغانستاننی ایران آرقهلی اروپا گه باغلهیدی.
