کانلر و پترولیم وزیرلیگی مسئوللری، جوزجان ولایتیده ییرلشگن «طوطی میدان» گاز کانینینگ قیدیریش و قازیب چیقریش عملی ایشی باشلنگنیدن خبر بیردیلر. کانلر و پترولیم وزیری هدایتالله بدری، ۲۳-سنبله، یکشنبه کونی اوشبو مناسبت بیلن مزارشریف شهریده اوتکزیلگن ییغیلیشده، بو کاننینگ قیدیریش و قازیب چیقریش عملی ایشی باشلنگنیدن خبر بیرگن.
هرات-خواف تیمیر یولی تورتینچی قطعه ایکینچی فازینینگ عملی ایشی اوشبو ولایتنینگ «رباط پریان» حدودلریده باشلندی.
اسرائیل اردوسی غزه شهریگه هجوملرینی کوچهیتیرگن. اوتگن بیر کیچه-کوندوزده بیرلشگن ملتلر تشکیلاتی تامانیدن باشپنه گه ایلنتیریلگن بنالر جملهدن مکتبلر توپراققه ایلندی و اوشبو هجوملرده کمیده ۴۹ فلسطینلیک هلاک بولگن.
قرغیزستانده اوچ ایگیزک توققن یاش عیال گه، اوچ خانهلی اوی ساوغه قیلیندی. یېتکرمهلرنینگ معلوماتی گه کوره، ۲۶ یاشر نور جمال گه قرغیزستان ملی خوفسیزلیک دولت کمیتهسی باشلیغی قمچیبیک تشیو تامانیدن اوچ خانهلی اوی کلیدی بیریلگن. معلوماتلر اساسیده، بو یاش آنهنینگ تیریکچیلیک احوالی انابت گه آلینیب بو اوی اونگه ساوغه قیلینگن.
افغانستاننینگ آزاد مبارزهلر سپورتچیسی کوروش رجبی، پاکستانلیک رقیبی گه غلبه قازاندی. اوشبو مسابقه ۲۲-سنبله، شنبه کیچه پاکستاننینگ لاهور شهریده اوتکزیلدی. کوروش رجبی پاکستانلیک رقیبی بلال حسیننی (IFT) تشکیلاتی مسابقهلریده پاکستاننینگ لاهور شهریده اوچ روند ده مغلوب قیلدی. رجبی بو غلبه بیلن IFT تشکیلاتی قهرمانلیک کمربندینی قولگه کیریتدی.
