پایتختت یشاوچیلریدن قطاری، کابل شهری نینگ تورلی منطقه‌لریده چیقیندیلر کوپه‌یشیدن شکایت قیلیب ایتیشلریچه، چیقیندیلر کوپه‌یشی شهر نینگ افلاس له‌نیشی گه گه سبب بولگن. شونینگدیک اولر شهر ده چیقیندی‌خانه‌لر یوق‌لیگیدن شکایت قیلماقده‌لر.
کابل شهری خیرخانه منطقه‌سی یشاوچیلریدن قیس، منطقه‌لریده چیقیندیلر انبار بولیشیدن نالیب ایتیشیچه: «خیرخانه نینگ ۳۱۵ ساحه‌سیده چیقیندیلر کوپه‌یگن، بو منطقه بلدیه تامانیدن تازه‌لنمسه، هوا ایسیق بولیشی بیلن تورلی خیل کسل‌لیکلر تاپیلیشی ممکن.»
کابل شهری دشت‌برچی منطقه یشاوچیسی خلیل کریمی گه کوره: «اوی‌یمیز یقینیده ایشی یریم قالگن اوی بار، محل یشاوچیلری چیقیندی‌لرینی اوییرده تشله‌یدیلر، چیقیندی کوپه‌یشی باعث قطار عایله‌لر نینگ فرزندلری کسل بولگن.»
بیزلرنینگ فیسبوک صحیفه‌میزگه باش اورینگ!
کابل شهری مکروریان یشاوچیسی نسیم قاسمی نینگ ایتیشیچه: «ایچیم‌لیک سوو آلدیم، سوونی ایچدیم و بوتلی نی اخلت گه تشلش اوچون بیر ساعت یول یوریدیم هیچ اخلت تاپمه‌دیم.»
شو بیلن بیرگه، کابل شهری بلدیه مسئوللری، شهر ده اخلتخانه‌لر یوق‌لیگینی رد قیلیب ایتیشلریچه، هر یول ده، هر ۳۰۰ قدم ده بیر اخلتخانه قویلگن. کابل شهری بلدیه سوزلاوچیسی نعمت‌الله بارکزی نینگ سلام‌وطندار گه ایتیشیچه، سه‌شنبه کونی، ۱۸ دلو، شهرنی تازه‌لش اوچون بویوک حشر یولگه قوییلگن.
اونینگ کوپه‌یتیریشیچه: «کابل ده ترتیبلی تنظیفی سیستم ایجاد ایتیلگن، کابل بلدیه ریاستی ایشلاوچیلری یاردمی بیلن شهرنی تازه‌له‌یمیز و تازه لنمه‌ی قالگن منطقه، هفته یکونی یا آی آخری ده کیچیک و کتته حشر یولگه قوییب تازه لنه‌دی.»
کابل بلدیه مسئوللری نینگ ایتیشلریچه، بوگون کابل بلدیه ریاستی نینگ حشری ده ۱۲۰۰ کیشی حصه قوشگن ایدیلر. اونگه کوره، اوشبو حشرده کوته‌ی سنگی، کارته‌ی مامورین و چهارراه قنبردن کمپنی گه قدر تازه‌لنگن.
بیزلرنینگ توییترده هم تعقیب قیلینگ!
باشقه تاماندن یشش محیط ایش بیلرمان‌لریدن قطاری نینگ ایتیشلریچه، شهرنشین‌لیک فرهنگ مکتب‌لر و بیلیم یورت‌لر نینگ تعلیمی نصابی ده جایلشتیریلیشی کیره‌ک. یشش محیط ایش بیلرمانی رجب‌علی احمدی نینگ سلام‌وطندار گه ایتیشیچه، سونگی نیچه ییل ده اولکه یشاوچیلری گه هیچ آگاهی‌لیک بیریلگن یوق وبو ایش شهرلری گه دایر یشاوچیلر نینگ بی‌فرق‌لیگیگه سبب بوله‌دی.
اونینگ ایشانچی گه کوره، شهرنشین‌لیک فرهنگی دن خبرسیزلیک، امکانیت آزلیگی و شهرنی تازه‌لش اوچون ییترلیچه خرجت اجره‌تیلمسلیگی، شهر افلاس‌له‌نیش عامللریدن سنله‌دی.
عین‌حالده، سونگی نیچه ییل ده کابل شهری، جهان پایتخت‌لری ارا اینگ افلاس شهر اوله‌راق تانیلگن.