خوفسیزلیک برقرار ایتیلیشی گه دایر اسلامی امارت رسمی‌لری نینگ ایشانچی بیلن، پایتخت یشاوچیلری هر کونی قوراللی اوغری‌لیکلرگه گواه بوله‌دیلر.
نیچه کون آلدین، قوراللی اوغری‌لر حاجی ذکی نینگ اویی گه کیریب و اونی جراحتلنتیرگن ایدیلر. ینگی‌لیکده کسلخانه دن رخصت بولگن حاجی ذکی، خوفسیزلیک وضعیتدن خواطر بیلدیره‌دی.
اونگه کوره: «اوغری‌لر مینی اوققه توتدیلر، ایکی اوق تیرینی شیلدی و ایچکری گه زیان ییتکیزمه‌دی، بیراق باشقه ایکی اوق یانیمگه تیکدی، قوماندان‌لیک و مسئوللر بیلن شریک قیلدیم حاضرگچه بوتوغریده دقت قیلینمه‌گن.»
بیزلرنینگ فیسبوک صحیفه‌میزگه باش اورینگ!
بونگه علاوه، کابل شهری یشاوچیلریدن ثنا خموش، عایله اعضالری ایکی مراتبه قوراللی اوغری‌لر بیلن دوچ بولیشیدن حکایت قیله‌دی.
اونگه کوره، اوشبو واقعه‌لردن بیری ده، قوراللی اوغری‌لر ایناغه‌سی و باشقه عایله اعضالریدن بیرینی، یولینی توسیب و بار_یوق نرسه‌لرینی تالان قیلگنلر.
اونینگ ایتیشیچه، مذکور واقعه کابل شهری نینگ «چهار قلعه» منطقه‌سیده یوز بیرگن. «کوندوز کیچ قورون ایناغم دوستی بیلن چهار قلعه تامان بارر ایدی، اوغری‌لر یوللرینی پیچاق بیلن توسیب، آیفون و سامسونگ ایکی موبائیل نی آلگنلر.»
شونینگدیک کابل یشاوچیلریدن باشقه بیری مجیب‌الرحمان، قوراللی اوغری‌لر آیدین کونده یولینی توسیب، نقد پول و موبائیلینی آلگنلر.
مجیب‌الرحمان، خوفسیزلیک تأمین ایتیلیشی خصوصیده اسلامی امارت رسمی‌لری نینگ ایشانچی بیلن، یاروغ کونده قوراللی اوغری‌لر بیلن روپه‌ره بولیشنی هیچ قچان کوتمه‌گندی.
او حکومت دن، اوغری‌لرنی قولگه آلیش مقصدیده جدی بولیشینی طلب قیله‌دی. مجیب‌الرحمان نینگ ایتیشیچه: «بو گَل واقعه نه فقط مین بلکه باشقه اهالی اوستیگه هم یوز بیرگن، شونی اوچون اسلامی امارت حکومتی دن، بوتوغریده دقت قیلیشینی طلب قیله‌من.»
مملکت بویلب ایش‌سیزلیک و قشاق‌لیک، جنایی جرملر اینیقسه اوغری‌لیکلر کوپه‌یشیگه سبب بولگن.
سونگی کونلرده اوغری‌لر بیلن دوچ بولگن عمر لودین گه کوره، ایش‌سیزلیک سبب یاشلر بو گَل ایشلر گه یوز کیلتیره‌دی.
بیزلرنینگ توییترده هم تعقیب قیلینگ!
او موبائیلینی اوغیرلش چاغیده اوغرینی قولگه آلیب و حکومت گه تاپشیرگن. اونینگ ایشانچی گه کوره، ایش‌سیزلیک سبب، یاشلر ناقانونی ایشلرگه قول اوروش‌لری ممکن.
برچه‌سی بیلن، کابل امنیه قوماندان‌لیگی پایتخت کابل شهری بویلب اوغری‌لر آلدی آلینیشیدن ایشانچ بیلدیره‌دی.
سلام‌وطندار بیلن صحبت اوتکزگن کابل امنیه قوماندان‌لیگی سوزلاوچیسی خالد زدران گه کوره، اوتگن ییل‌لرگه نسبتن، کابل شهری ده اوغری‌لیک واقعه‌لری کمه‌یگن.
اونینگ کوپه‌یتیریشیچه: «سابق بیر کون ایچیده ۱۵ موتر اوغیرلنر ایدی بیراق حاضر بیر هفته ایچیده بوگَل واقعه‌لر گه گواه بولمه‌یمیز، اهالی یاردمی بیلن بو قیینچیلیکلر حلی مقصدیده سعی و حرکت قیله‌میز.»
ایتیش کیره‌ک که، کابل شهری بویلب قوراللی اوغری‌لیکلر، ییل‌لردن بویان پایتخت یشاوچیلری نینگ جدی قیینچیلیکلریدن سنله‌دی و امنیت برقرار ایتیلیشی گه دایر خوفسیزلیک مسئوللر نینگ ایشانچی بیلن، اساسی شکلده اوغری‌لر آلدی آلینمه‌گن.
