تایوانده کوچلی طوفان عاقبتیده کمیده ۱۴ کیشی هلاک بولیب و ۱۲۰ دن آرتیق آدم یوقالدی.
خلقارا یېتکرمهلرنینگ معلوماتی گه کوره، شمال و سوو کوپریکلر، اویلر و یوللر گه ضرر یېتکزگن. هوالین ولایتیده سوو پستکی قووتلرنی باسیب کېتگن.
شو بیلن بیرگه، هانگ کانگده کوچلی شمال و یامغیر سبب مکتبلر و دکانلر یاپیلگن، یوزلب پروازلر بیکار قیلینیب و حکومت آدملرنی اویده قالیشلرینی سورهگن.
چین جنوبی حدودلری گوانگدونگ ولایتیده هم خوف کوچهیگنی اوچون ۳۷۰ مینگدن آرتیق آدم باشقه جایگه انتقال بیریلدی. بیر نیچه ساعت ایچیده کتته مقدارده یامغیر یاغیشی کوتیلماقده، بو اېسه تاشقین خوفینی آشیرهدی.
طوفان آلدین فیلیپیننینگ شمالی ارالیده هم ضرر کیلتیرگن. بیلرمانلر اونی ییلنینگ اېنگ کوچلی بورانی دیب اتهگنلر.
