مملکت ساغلیق‌نی سقلش وزیرلیگی مسئوللری، بوگون (۱۸-سرطان، دوشنبه) ۲۳ ولایتده باله‌لر فلجی (پولیو) گه قرشی اېملش تورت کون‌لیک کمپاین باشلنگنیدن خبر بیره‌دیلر.
اوشبو وزیرلیک سۉزلاوچیسی شرافت زمان گه کوره، اوشبو دور کمپاینده بیش یاشنی تولدیرمه‌گن سکیز میلیون باله اېملنیشی ممکن.
اونینگ کوپه‌یتیریشیچه: «باله‌لر فلجی کسل‌لیگی (پولیو) گه قرشی اېملش کمپاین لغمان، نورستان، کنر، ننگرهار، کابل، کاپیسا، پروان، بامیان، دایکندی، بغلان، قندوز، تخار، هلمند، قندهار، نیمروز، ارزگان، زابل، غزنی، خوست، پکتیا، پکتیکا، فراه و هرات ولایت‌لریده بوگون باشلندی و تورت کونگچه دوام تاپه‌دی، بو دور کمپاینده بیش یاشنی تولدیرمه‌گن سکیز میلیون باله اېملنیشی کوتیله‌دی.»
بیزلرنینگ فیسبوک صحیفه‌میزگه باش اورینگ!
عین‌حالده، عایله‌لردن بیرقطاری، باله‌لری نینگ فلج کسل‌لیگی گه یولیق‌مسلیگی اوچون واکسین قیلیشلرینی اېته‌دیلر.
ننگرهار ولایتی یشاوچیسی منهاج گه کوره، نیچه آی آلدین بو ولایتده پولیو مثبت بیر واقعه‌سی قید اېتیلگن و باله‌سی اوشبو کسل‌لیکّه چلینمسلیگی اوچون اونی واکسین قیلگن.
اونینگ ایتیشیچه: «سۉنگی نیچه آی ده جلال‌آباد ده پولیو مثبت واقعه‌سی قید اېتیلدی، باله‌لریمیز بو کسل‌لیکّه چلینمسلیگی اوچون جدی طرزده اولرنی واکسین قیله‌میز و باشقه‌لرنی هم باله‌لرینی واکسین قیلیشلرینی اېسته‌یمیز.»
بیزلرنینگ «ایکس» ترماغی ده هم تعقیب قیلینگ!
نورستان ولایتی دوآب تومنی یشاوچیسی میرزمان خان نینگ ایتیشیچه، باله‌سی پولیو گه چلینمسلیگی اوچون اونی هر دور ده واکسین قیله‌دی.
اونینگ کوپه‌یتیریشیچه: «باله‌لریمیزنی واکسین قیلدیک، باله‌لر فلجی کسلی گه چلینمسلیگی اوچون و هر دور ده اولرنی واکسین قیله‌میز.»
ساغلیق‌نی سقلش وزیرلیگی نینگ افغانستانده پولیونی یوق اېتیش بولیمی نینگ معلوماتی اساسیده، اوشبو میلادی ییل باشلنگنیدن حاضرگه قدر، قندهار، ننگرهار ونورستان ولایت‌لریده تورت پولیو مثبت واقعه‌سی قید اېتیلگن.
ایتیش کېره‌ک، افغانستان و پاکستان دنیا بویلب پولیو کسلی بوتونلی یوق اېتیلمه‌گن مملکت‌لردن سنله‌دی.
