پاکستان دن قاچقینلر نینگ چیقریلیش ایکینچی باسقیچی باشلنیشی بیلن، مینگلرچه عایله تورخم و اسپین بولدک چیگره یوللریدن افغانستان گه قیتگنلر.
مملکت گه قیتگن قاچقینلردن قطاری نینگ سلام‌وطندار گه ایتیشلریچه، ایش‌سیزلیک و باش‌پنه‌سیزلیک‌دن زیریککنلر.
ایکی هفته آلدین پاکستان دن قیتیب و حاضر ننگرهار ده حیات کیچیره‌دیگن عبدالهادی، سرپرست حکومت‌دن حیات کیچیریش اوچون اونگه باش‌پنه یره‌تیلیشی نی ایسته‌گن.
بیزلرنینگ فیسبوک صحیفه‌میزگه باش اورینگ!
عبدالهادی نینگ ایتیشیچه: «ایکینچی مرته قاچقینلر نینگ چیقریلیش خبری کیلگنی‌دن کیین، بیزلر هم اولکه‌میز گه قیتیش گه مجبور بولدیک. اولکه‌میز گه قیتیش اوچون خوشحال‌میز؛ لیکن افغانستان بویلب بیر اوی گه قدر جایی‌میز یوق که باش‌پنه قورسک. انه شوو سبب اسلام امیرلیگی‌دن بیزلر گه باش‌پنه بیریلیشی نی ایسته‌یمیز و اولردن همکارلیک قیلینیشی نی ایسته‌یمیز.»
شونینگدیک پاکستان دن قیتیب و حاضر ننگرهار ده حیات کیچیره‌دیگنلردن باشقه بیری جاوید نینگ ایتیشیچه، نرسه‌سیز بیر وضعیت‌ده عایله سرپرستی بولگنی، اونی روحی قیین‌چیلیکلر گه چلینتیرگن.
جاوید نینگ کوپه‌یتیریشیچه، اوزی گه بیران ایش تاپه آلمه‌گنی صورت‌ده، قیته مهاجرت قیلیشی ممکن. «بو ییرده قیین‌چیلیگیمیز کوپ دیر. بیزلر او ییرده درس اوقیدیک. اسلام امیرلیگی‌دن بیزلر گه ایش زمینه‌سی نی یره‌تیلیشی نی ایسته‌یمیز. بیزلر گه باش‌پنه زمینه‌سی نی یره‌تیلیشی نی ایسته‌یمیز. قاچقینلر نینگ قیتیشی پیت‌ده، اولر گه ییر بیریلیشی خصوصیده سوز بیریلگن که، مذکور نمره‌لر بیریلگنی‌ده کوپ یخشی ایش بوله‌دی.»
شونده‌ی بیرحالده، ننگرهار ده قاچقینلر باشلیغی بازمحمد عبدالرحمان، پاکستان دن قیتگن برچه کیشی نینگ قیین‌چیلیگی حل بولیشی خصوصیده سوز بیرگن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه، قاچقینلر گه ییر ترقه‌تیلیش پروسه‌سی تیزلیککه باشلنیب و اسلام امیرلیگی باش‌پنه قوریش گه کوچی ییتیشمه‌گن قاچقینلردن قطاری گه یاردم بیرووچی تشکلات‌لر یاردمی بیلن باش پنه قوریش خصوصیده همکارلیک قیلیشی ممکن.
ننگرهار ده قاچقینلر باشلیغی نینگ کوپه‌یتیریشیچه: «قاچقینلر گه شهرچه‌لرده اوی بیریلیشی نظر گه آلینگن و بیر قطار تیار اوی‌لر هم نظر گه آلینگن. اسلام امیرلیگی نینگ هر قنچه امکانیتی بولسه، یشاوچیلر خذمتی گه قویه‌دی.»
ایتیش کیره‌ک که، اوتگن میلادی ییل نینگ یکونی‌ده پاکستان دن قاچقینلر نینگ چیقریلیشی باشلنگنی‌دن کیین، ۶۰۰ مینگ‌دن آرتیق کیشی افغانستان گه قیتریلگن که اولردن کوپینچه‌سی ایش‌سیزلیک و باش‌پنه‌سیزلیک‌دن شکایت قیله‌دیلر.
