پاکستان دن جبر بیلن چیقریلگن افغانستان‌لیک قاچقینلر، تیکین روشده منطقه‌لری گچه انتقال بیریله‌دی.
اسلام امیرلیگی سوزلاوچیسی نینگ اورین باسرلری دن بلال کریمی بوگون (چهارشنبه، ۱۰-عقرب)، اوز ایکس صحیفه‌سیده، ملی مدافعه وزیرلیگی تحرکات لوا قوماندان‌لیگی تامانیدن نظر گه آلینگن موترلر، تورخم بندری ده پاکستان دولتی تامانیدن جبر دن چیقریلگن قاچقینلر نی منطقه‌لری گچه انتقال بیریش اوچون تیار ایکنینی معلوم قیلگن.
بیزلرنینگ فیسبوک صحیفه‌میزگه باش اورینگ!
اونگه کوره، تورخم بندری دن افغانستان توپراغی گه اوتگن قاچقینلر گه نان و سوو کبی امکانیت‌لرنی ییتکیزیب بیریش اوچون برچه تیارگرلیک‌لر کوریلگن.
بلال کریمی نینگ کوپه‌یتیریشیچه، منطقه ده ترانسپورتی کمیته ییترلی تیارگرلیک کورگن و منتظم روشده قاچقینلر نی انتقال بیریش جریانی گه دوام بیرماقده‌لر.
پاکستان دن افغانستان‌لیک حجت‌سیز قاچقینلر نینگ چیقریش جریانی ایرته (پنج‌شنبه، ۱۱-عقرب) باشله‌نیشی کوتیله‌دی. پاکستان حکومتی حجت‌سیز قاچقینلر گه ۳۱ اکتوبر گچه اوشبو مملکت نی ترک ایتیش اوچون مهلت بیرگن ایدی.
بیزلرنینگ «ایکس» ترماغی ده هم تعقیب قیلینگ!
پاکستان دولتی نینگ افغانستان‌لیک حجت‌سیز قاچقینلر نی چیقریش قراری ایریم مناسبت‌لر گه سبب بولگن. ینگی‌لیک ده خلق‌ارا کیچیریم تشکیلاتی ینه بیر بار پاکستان دن افغانستان‌لیک قاچقینلر چیقریلیشی گه مناسبت بیلدیریب ایتیشیچه، بو قرار تیزلیک بیلن بیکار قیلینیب و خلق‌ارا همجمعیت مذکور مملکت نی قاچقینلر دن میزبان‌لیک قیلیش اوچون مالی حمایت قیلیش‌لری لازم.
ایتیش کیره‌ک، سونگی کون‌لر ده قاچقینلر نینگ چیقیش مهلتی یکونی بیلن پاکستان دن مینگلب افغانستان‌لیک، اولکه گه قیتیب کیلگن‌لر.
