پاکستان خوفسیزلیک کوچلری آرقه‌لی، مذکور مملکت سابق باش وزیری عمران خان نینگ قولگه آلینگنی‌دن کیین، عمران خان نینگ طرفدارلری تامانیدن ناراض‌لیک نمایش‌لر یولگه قوییلیب و اوشبو مملکت سیاسی بحران بیلن روپه‌ره بولگن.
شونده‌ی بیرحالده، جمهوریت توزومی نینگ قولشی‌دن کیین، پاکستان گه مهاجر بولگن افغان‌لر نینگ ایتیش‌لریچه، حاضرگی سیاسی وضعیت اولر گه سلبی تاثیر قوییشی ممکن.
مذکور مهاجرلر گه کوره، پاکستان ده حربی حکومت اعلام بولگنی صورت‌ده، پولیس تامانیدن مهاجرلر نینگ قولگه آلینیشی ممکن.
بیزلرنینگ فیسبوک صحیفه‌میزگه باش اورینگ!
عین حالده، پاکستان ده افغانستان‌لیک مهاجرلردن زهرا حقجو نینگ سلام‌وطندار گه ایتیشیچه، افغان مهاجرلر روحی نقطه نظردن کوپینچه قیین‌چیلیککه روپه‌ره‌لر.
خانم حقجو نینگ کوپه‌یتیریشیچه: «اهالی خواطرده و حاضرگی سیاسی وضعیت‌ده، اولین قربان بوله‌دیگن کیشی‌لر افغانستان‌لیک مهاجرلر نینگ بولیشی نی حس قیله‌دیلر. بو ییر ده وضعیت نینگ نظامی بولگنی پیتده، قولگه آلینیش نینگ باشلنیشی ممکن.»
افغانستان‌لیک مهاجرلردن باشقه بیری زیارمل افغان نینگ ایتیشیچه، پاکستان ده‌گی جدی بحران بیلن، مملکت‌لر ایلچی‌خانه‌لری نینگ یاپیلیشی ممکن و تخلیه پروسه‌سی نی کوتیب تورگن مهاجرلر کوپینچه قیین‌چیلیک بیلن روپه‌ره بولیشی ممکن.
اونینگ کوپه‌یتیریشیچه: «بو وضعیت‌ده مهاجرلر برابریده کوپینچه قیین‌چیلیک بار. ترانسپورت و انترنت برابریده قیین‌چیلیک تاپیله‌دی و یول‌لر یاپیله‌دی. بو وضعیت‌ده پاکستان حکومتی مهاجرلر ویزه‌سی تمدید بولیشی نی اورته قالدیره‌دی و یا هیچ تمدید قیلمه‌یدی. شونینگدیک ایلچی‌خانه‌لر نینگ یاپیلیشی و مهاجرلر گه قیین‌چیلیک یر‌تیشی ممکن.»
شونینگدیک پاکستان‌لیک خبرچی طاهر خان، پاکستان نینگ حاضرگی قیین‌چیلیگی خصوصیده ایتیشیچه، وضعیت یخشی ایمس و سرک‌لر اوتیب-قیتیش یوزی گه هم باغلنگن. اونینگ ایتیشیچه، مذکور مملکت‌ده جاری وضعیت افغانستان‌لیک مهاجرلر وضعیتی خصوصیده تاثیر قوییشی ممکن.
مذکور خبرچی گه کوره: «پاکستان ده وضعیت یخشی ایمس و عمران‌خان طرفدارلری نینگ ناراض‌لیک نمایش‌لری دوام قیلماقده. شهرلر و سرک‌لر یاپیق. سوداگرلیککه هم تاثیر قویگن. مهاجرلر اوی‌ده و شونینگدیک اوتیب-قیتیش هم قیین بولگن. اهالی زیان ییتیشمه‌سین دیب اوی‌دن چیقمه‌یدیلر.»
شونده‌ی بیرحالده، مهاجرلر فعال‌لریدن آصفه استانکزی نینگ ایتیشیچه، میزبان مملکت‌ده یوز بیره‌دیگن هر بیر واقعه اینیقسه پاکستان نینگ سیاسی بحرانی‌ده، مهاجرلر نینگ تاثیر کوریشی ممکن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «میزبان مملکت‌ده یوز بیره‌دیگن مثبت و منفی اوزگریش‌لردن هر بیری، مذکور ممکت‌ده‌گی مهاجرلر گه مثبت و منفی تاثیراتی بار. پاکستان ده یوز بیرگن سونگی واقعه‌لر، مهاجرلر گه منفی تاثیری بار، چونکه بو تیپ سیاسی ثبات‌سیزلیککه سبب بوله‌دی و بو سیاسی ثبات‌سیزلیک اهالی اینیقسه مهاجرلر نینگ امنیتی و آرام‌لیگی نی بوزیشی ممکن.»
اسلام‌آباد ده سابق باش وزیر عمران‌خان برابریده یوز بیرگن قورالی هجوم اونینگ ایش‌دن بوشه‌تیلگنی، پاکستان ده سیاسی بحران‌لر باشلنیشی گه سبب بولدی؛ بیراق اوشبو سیاسی بحران انصاف حزب تحریک رهبرلری عمران‌خان نینگ خبر بیریلمه‌سدن آلدین پاکستان خوفسیزلیک کوچلری آرقه‌لی قولگه آلینگیدن کیین کوپه‌یب و مذکور موضوع عاقبتیده، انصاف تحریک طرفدارلری سرک‌لر گه چیقیب و اعتراض قیلگنلر.
