سه‌شنبه کونی شام چاغی، ۱۶-جوزا، افغانستان مهاجرلری سانی کوپ بولگن پاکستان پایتختی اسلام‌آباد شهری نینگ بیر چیککه‌سیده، اوشبو مملکت پولیسی موترلری نینگ سیرینه‌لری سیسی، مذکور منطقه یشاوچیلری نینگ تینچ‌لیگی نی بوزگن دیر.
شونده‌ی بیرحالده، پولیس موترلری نینگ سیرینه‌لری سیسی نی ایشیتیش‌دن کیین مهاجرلردن قطاری، اوی‌لریده پولیس تامانیدن قولگه آلینمسلیکلری اوچون کیچه نی یشیرینچه شکلده سرکلرده اوتکزیش گه مجبور بولگنلر. بیراق مذکور مهاجرلردن قطاری پولیس تامانیدن قولگه آلینگن دیر.
اسلام‌آباد شهری‌ده‌گی افغان مهاجرلردن بیری کیم‌لیگی سِر قالیش شرطی بیلن سلام‌وطندار گه ایتیشیچه، اوتگن کیچه پولیس‌لر یشش محل‌لری گه هجوم قیلگنی‌دن کیین، قاچیب بوتون کیچه نی عایله و باله‌لری بیلن سرکلرده اوتکزیش گه مجبور بولگنلر.
بیزلرنینگ توییترده هم تعقیب قیلینگ!
او پاکستان ده افغانستان یشاوچیلری نینگ وضعیتی نی خواطرلی عنوان قیلیب ایتیشیچه، ویزه‌سی نینگ وقتی بیتگن؛ بیراق حاضرگچه اونینگ تمدید قیله آلمه‌گن. اونینگ کوپهیتیریشیچه: «عایله‌م یانیم‌ده ایدی و شونینگدیک ینه نیچه افغانستان‌لیک عایله‌‌ده هم ویزا یوق ایدی. پولیس تامانیدن قولگه آلینمه‌یش اوچون هر کیم هر طرف گه قاچدی.»
عین حالده، پولیس تامانیدن قولگه آلینگن افغان مهاجرلردن قطاری، پاکستان پولیسی تامانیدن قوییب یوباریلیش اوچون اولر گه پول بیریش گه مجبورلر.
پاکستان پولیسی تامانیدن قولگه آلینیب و باله‌سی تدقیقات آستیده قرار تاپگن افغان مهاجرلردن بیری رویا شیرزی نینگ ایتیشیچه، اوتگن کیچه پاکستان پولیسی تامانیدن قوییب یوباریلگنی بیرحالده، بیراق حاضرگچه اوغلی قوییب یوباریلمه‌گن و اونینگ قوییب یوباریلیشی اوچون پول ایسته‌گنلر.
اونینگ کوپهیتیریشیچه: «پاکستان ده‌گی کسل‌خانه‌ده‌گی همکارلریم قابله بولگنیم نی ایتیب مینی قوییب یوباریلیشیم نی ایسته‌دیلر که، انه شوو سبب ساعت ۲:۳۰ اطرافیده مینی قوییب یوباردیلر؛ بیراق حاضرگچه باله‌م نی قوییب یوبارمه‌گنلر. او کوپ کیچیک و کسل دیر.»
شونینگدیک پاکستان ده افغان مهاجرلر دوسیه‌لری نی تیکشیرووچی‌سی، حقوق حمایت‌چیسی و ادوه‌کت منیژه کاکر نینگ سلام‌وطندار گه ایتیشیچه، پاکستان پولیسی ایکی هفته‌دن بیری مهاجرلر نینگ قولگه آلینیش پروسه‌سی نی جدی شکلده باشلگن دیر. اونینگ کوپهیتیریشیچه، پاکستان پولیسی افغان مهاجرلردن کوپینچه‌سی نی پول آلیش اوچون قولگه آله‌دی.
خانم کاکر نینگ کوپهیتیریشیچه: «بیر قطار کیشی‌ده سندی هم بار و سند‌لری نینگ وقتی جون آیی نینگ آخری‌ده توله‌دی که، شونده‌ی بیر وضعیت‌ده ینه هم پولیس اولر نی قولگه آله‌دی. انه شوو سبب اولردن پول آله‌دیلر.»
پاکستان نینگ کراچی شهری‌ده اسلام امیر‌لیگی کنسول‌لیگی، قولگه آلینیش پروسه‌سی نینگ دوامی بارلیگی و اولر پاکستان‌لیک رسمی‌لری بیلن صحبت یولی آرقه‌لی اوشبو وضعیت نینگ حل قیلیشی خصوصیده سعی و حرکت قیلیش‌لری نی بیان قیلگن.
بیزلرنینگ فیسبوک صحیفه‌میزگه باش اورینگ!
کراچی شهری‌ده اسلام امیر‌لیگی نینگ باش کنسولی عبدالجبار تخاری نینگ ایتیشیچه، حاضر ایسه اوچ یوزدن آرتیق افغانستان‌لیک یشاوچی کراچی نینگ قماقخانهلریده حبس گه دیر.
جناب تخاری نینگ کوپهیتیریشیچه: «اسلام امیر‌لیگی نینگ سعی و حرکتی طفیلی حاضرگچه، عیال‌لر و باله‌لر شامل ۲۳۶۷ کیشی مملکت گه یوباریلگن، بیراق حاضرگچه اوچ یوزدن آرتیق کیشی پاکستان قماقخانهلریده حبس گه دیر.»
ایتیش کیره‌ک که، پاکستان ده‌گی افغان مهاجرلردن کوپینچه‌سی نی، آمریکا و اروپایی مملکت‌لر گه کیتیش نی کوتیب تورگن کیشی‌لر تشکیل بیره‌دی.