پاکستان تشقی ایشلر وزیرلیگی سوزلاوچیسی شفقت علی خان، رجب طیب اردوغان‌نینگ اوشبو مملکت‌گه تشریف بوییرگنی چاغیده، پاکستان تورکیه بیلن «تینچ و ثباتلی» افغانستان نی قوللب-قوتلش خصوصیده ایکی تامان‌نینگ کیلیشگنی‌دن خبر بیرگن.
اونگه کوره، پاکستان باش وزیری شهباز شریف و تورکیه جمهور باشلیغی رجب طیب اردوغان، استراتیژیک همکارلیک عالی کینگشی ییتّینچی ییغیلیشی یکونی‌ده قوشمه بیر بیانیه آرقه‌لی افغانستان‌نینگ «ترورچی‌لر» اوچون تینچ بیر جای‌گه اوزگرمسلیگی توغریسیده تاکید قیلگنلر.
بیزلرنینگ فیسبوک صحیفه‌میزگه باش اورینگ!
ایکی مملکت‌نینگ قوشمه بیانیه‌سیده کیلیشیچه: «افغانستان موقت حکومتی ترورچیلیک جمله‌دن بیرلشگن ملتلر تشکیلاتی خوفسیزلیک کینگشی‌نینگ تحریم‌لر رویخطی‌‌ده قرار تاپگن پاکستان طالبلر تحریکی و داعش‌گه قرشی کوره‌ش اوچون برچه چاره-تدبیرنی کوریشی کیره‌ک.»
پاکستان تشقی ایشلر وزیرلیگی سوزلاوچیسی، خبری بیر ییغیلیش‌ده اوشبو قوشمه بیانیه‌نینگ بیر بولیمی‌دن نقل قیلیب ایتیشیچه، اوشبو مملکت ترورچیلیک‌دن «جدی شکلده» زیان کورگن. اونینگ کوپه‌یتیریشیچه، پاکستان منطقه‌ده تینچ‌لیک و ثبات‌نینگ تامین‌لش بوییچه منطقه و دنیا سعی‌وحرکت‌لریگه فایده‌لی حصه قوشیش‌گه دوام بیریشی ممکن.
بیزلرنینگ «ایکس» ترماغی ده هم تعقیب قیلینگ!
شفقت علی خان‌گه کوره، شونینگدیک پاکستان اوشبو قوشمه بیانیه‌ده ایتیشیچه: «پاکستان حاضرگچه، بو آفت‌نی اوز مملکتی‌دن اوچیریش آرقه‌لی ترورچیلیککه قرشی کوره‌ش نی منطقی نتیجه‌گه ییتکزیش‌گه متعهد دیر. شونینگدیک پاکستان ترورچیلیک قیین‌چیلیگی جمله‌دن خارجی عنصرلر تامانیدن عمل‌گه آشیریله‌یاتگن ترورچیلیک حرکت‌لرنی حل قیلیش اوچون ترورچیلیککه قرشی سعی‌وحرکت‌لرنی دوام بیریش طرفداری بولیب و اونی دوام بیریشی ممکن.»
اسلام امیرلیگی حکومتی، بوندن آلدین هم افغانستان ده ترورچی گروه‌لر جمله‌دن پاکستان طالبلر تحریکی (تی‌تی‌پی)، حضوری و فعالیتی‌نی رد قیلگن دیر.
