پاکستان تشقی ایشلر وزیرلیگی نینگ سوزلاوچیسی عاصم افتخاراحمد، افغانستان ده هزاره و شیعه‌لر نشانگه آلینیشینی خواطرلی دیگن.
پاکستان تشقی ایشلر وزیرلیگی نینگ سوزلاوچیسی، اوتگن کونی بلخ ولایتی نینگ مرکزی مزارشریف ده اویوشتیریلگن هجوم‌لرنی قتیق شکلده قاره‌لب و حادثه قربانی‌لری نینگ عایله اعضالری و قرینداش‌لری بیلن قیغوداشلیک بیلدیرگن.
بیزلرنینگ فیسبوک صحیفه‌میزگه باش اورینگ!
پاکستان تشقی ایشلر وزیرلیگی تامانیدن ترقه‌لگن خبرنامه ده کیلیشیچه، مذکور هجوم‌لر افغانستان ده ناتینچلیکلر اوج آلیش مقصدیده اویوشتیریلگن.
پاکستان تشقی ایشلر وزیرلیگی اوشبو خبرنامه‌ده، دنیا جماعه‌چیلیگیدن، افغانستان ده عصیانچی گروه‌لر گه قرشی کوره‌ش اوچون اوشبو مملکت گه یاردم بیریشینی سوره‌گن.
عین‌حالده، تورکیه نینگ کابل ده‌گی ایلچیخانه‌سی، بوگون بیر خبرنامه ترقه‌تیب اوتگن کونی مزارشریف شهری ده اویوشتیریلگن هجوم‌لرنی قاره له‌گن. تورکیه نینگ کابل ده‌گی ایلچیخانه‌سی گه کوره «انسانیت گه قرشی» اویوشتیریله یاتگن مذکور هجوم‌لرنی، قتیق شکلده محکوم قیله‌دی.
افغانستان نینگ سابق جمهور باشلیغی حامدکرزی و سابق دولت ملی مصالحه عالی کینگش باشلیغی عبدالله عبدالله، مذکور پارتلش‌لرنی قتیق شکلده قاره له‌گنلر.
کرزی مذکور حادثه‌لر گه واکنش کورسه‌تیب و اونی «بشریت گه قرشی جنایت» دیگن.
بیزلرنینگ توییترده هم تعقیب قیلینگ!
اسلامی دولت گروهی (داعش)، اوتگن کونی شام چاغی بلخ ولایتی نینگ مرکزی مزارشریف شهری نینگ اوچینچی و اونینچی خوفسیزلیک حوزه‌لری‌گه قره‌شلی حدودلرده اویوشتیریلگن آلدین_کیین پارتلش‌لر مسئولیتینی بوینیگه آلگن. اوشبو حادثه‌لر نتیجه‌سیده ۹ تینچ اهالی هلاک و باشقه ۱۳ کیشی یره‌لنگن.
بوندن آلدین کابل، بلخ، قندوز، قندهار و باشقه بیر قطار ولایت‌لرده هزاره‌لر و شیعه‌لر گه قرشی اویوشتیریلگن خودکش هجوم و پارتلش‌لر مسئولیتینی اسلامی دولت گروهی اوز زمه‌سیگه آلگن.
